其實香港人自己都知，香港人可以有幾乞人憎。相對其他地方嘅人，我地物質上享受慣、冇耐性、鍾意投訴、追名逐利
而家咁嘅時勢，好多人都準備走，包括我。希望大家去邊都好，盡量融入當地、學習新嘅文化、貢獻社會，唔好做一邊榨取人地資源，一邊嫌三嫌四嘅蝗蟲
呢番說話好難聽，先講句唔好意思
12個讚
絕對同意！
我一直都有 research 可以讀什麽等我可以有份工，唔敢講貢獻，起碼唔做蛀米大蟲
如果冇諗住融入當地生活文化, 真係唔好移, 永遠都係過客咁。
2個讚
非常之同意你嘅講法
我同老公都係喺台灣讀大學
畢業後都一直想返台灣住
好鍾意台灣嘅生活 到呢一刻真係決定返去入台藉
但係同時擔心香港人係台灣人心目中已經變質
由其係睇一啲冇了解過當地文化嘅人 移完之後嫌3嫌4 其實同啲蝗真係冇分別
人地都會覺得我地去攞佢地嘅社會資源
希望去移居嘅人做好自己
香港人質素越嚟越低，我只可以做好自己，人哋點，我哋真係無辦法控制
同意，好多時最落力鬧人蝗蟲，開口埋口自己係納稅人個d先最蝗
係，近排留意移民先發現好多人都係打算入左藉就走，唔係打算融入人哋國家，只想拎左著數先算
1個讚
係咪宜家仲有HF169??
有呀
識得幾個香港人幫人哋做日本移居, 全部都係教人走捷徑. 令到之後機關算盡。
甚至夾埋新移居者搵第二個水魚。
到頭來其實係另一批蝗蟲。佢哋嘅圈子唔會進入主流，全部都係塘水滾塘魚。間唔中有人同我哋講佢哋嘅事，真係唔想聽。
去到人哋地方生活，唔係要做下等人，但係我覺得要尊重本地人，俾多啲空間佢哋。當本地人係香港人vs大陸人就明白。
香港人做衰就係唔會將心比己
永遠覺得自己叻過人 聰明過人 醒過人
台灣投資移民都係啲中介幫人搞空殼公司攞完身分證就返香港 搞到啲玩法爛哂 個門檻先愈嚟愈高
其實唔少人移民都係咁。响外國識一家人，佢哋啲仔女中文好差，父母英文好差，明明個爸爸响嗰邊讀書讀咗幾年，唔知佢發生咩事。佢哋住咗幾十年都可以唔融入人哋文化，幾十年都係怨外國乜都衰。佢哋同仔女好早就溝通唔到。後來兩公婆離婚，個爸爸就搬返香港住，幾個月都捱唔到又走返外國，話香港又細又熱，話香港人勁自私同貪錢。
而家响外國住都係話香港黑暴害死香港，話大劣有錢幾威威！繼續响外國做一個令人討厭嘅鄰居，累到人被人話黃種人自私，破壞社區和諧
未搵到工都打算做義工先
1個讚