打完歲半針,被安排兩歲再觀察語言發展

今日去咗健康院見姑娘&打歲半針
見姑娘部分冇問bb任何嘢
只係問我關於bb的飲食習慣同識講幾多單字。
之後就叫我地兩歲再返去健康院,想問係咪正常?
有冇媽媽分享吓?

有啊。純係觀察下個進度。
我個b都係兩歲返去做個言語測試。
不過都係fail, 半年後要再返去覆疹。

我女果時都係因為識講既野太少,叫2歲再番健康院!
同時間都有媽媽分享,每間健康院要求唔一樣,有健康院要求識講10組詞語定字,唔記得咗,咁就pass,我果間就要識講幾樣生果同玩具。但我女識既生果同玩具太少。

都叫我女2歲番健康院,不過我就唔太擔心:stuck_out_tongue_closed_eyes:10組詞語定字,我女果時就識。

到2歲因為疫情關係,健康院打黎問我女識講幾多野,我答番識講d 咩,再傾下,就話唔需要再番健康院啦

而家出面都有啲兒科中心睇BB發展方面做得幾好。

如果在冇乜提示底下,其實兩歲小朋友好難主動講出數十個詞語, 俾做我個仔係咁都一定fail啦!

我今次歲半去, 個姑娘都係問我bb識講啲乜,佢都冇直接問bb,佢都好難判斷到b係咪真係語言有待改善。

我囡都試過。冇乜野,同BB講多d,BB就識講野

阿囡唔肯/唔識講,之後去左做評估
評估完見社工,排學位

另有自己出去私人心理學家做評估,上言語治療堂
不過阿囡對住言語治療都唔太願講,係屋企會講

睇你阿b講到幾多野,同埋有時都睇你意願。
講野如果唔係講到太多,而問你你又話覺得擔心就會叫2yr返來。
如果佢有講到下野,即使唔夠10個而你又表示唔擔心,通常都唔洗返去的。

直情係每個姑娘都唔同要求咁,有啲手鬆有啲手緊。
我b嗰時18m返,問我佢識講咩,我就數咗啲家庭成員稱呼、食物名、玩具名同啲簡單動詞嗰啲(我要、唔好、得etc),點知個姑娘話依啲外星話嚟唔算,要我b 3歲返去(好奇怪,唔係兩歲係三歲,問過其他媽媽都無咁),我話點解要返,佢又話無嘢,觀察下啫,真係吹脹。 :baby_girl06_shock:

咁都識講好多嘢喎,:dizzy_face:咩定義係外星話?個姑娘咁講嘢都有架…歲半講到咁多嘢好叻㗎啦~俾我都質問佢咩先算:unamused::unamused:

觀察下姐… 我自己都有問下兒科醫生意見

都係跟進一下姐,有睇開兒科都可以叫醫生觀察下/比啲意見