求意見~ 謝謝
私人好啲，靈活性大，又平啲
最近有朋友考緊
因為之前停考了一段時間，現在個期條隊好長
試下問下身邊朋友有無介紹好師傅
私人好，真係學到野，考到後真係敢揸出街。
好多朋友跟駕X學院，報佢地個嗰一定成功考到牌嘅PLAN後，唔敢揸出街。因為聽聞佢地嗰個PLAN係球證又係佢嘅人，守龍又係佢嘅人，所以必PASS。
想易攞車牌, 就駕駛學院。攞左之後搵私人師傅補鐘。
搵私人師傅，最好搵朋友用過既介紹
之前都係朋友介紹師傅比我
我成日以為教車師傅係上左年紀，教我果個應該40左右
非賣廣告，唔介紹
唔怪之得一定pass 啦自己人
所以我D朋友考咗兩三年，到依家都仲係唔敢揸出街。
如果想快D有牌就駕X學院，之後搵人再補鐘。
想易合格就駕駛學院，想平就搵私人師傅，不過最好搵口碑好嘅，因為有啲師傅上堂唔係行考試路線，變咗幫助不大
駕駛學院因為有固定考試場地，同埋佢哋上堂一定係行考試路線唔會周圍兜，所以合格率會較高，但一定唔係全部考生都會俾合格，缺點就係貴同埋可能真係唔敢行其他路線，可能初初考完牌要搵個人喺側邊傍住，私人師傅收費就相對平啲，不過合格率無駕駛學院咁高亦係事實
脷申以前曾任職過駕駛學院
我當年搵私人師傅學，本身係朋友嚟
佢教得算好，介紹佢俾幾個女仔朋友都讚佢態度好，唔鬧人，但就唔係個個一take pass
想易啲pass就搵駕院，但pass咗都未必敢揸出街
我個師傅教得有心機嘅，可惜係藍師傅囉 
謝謝明白了~
明白明白, 我都想快D考到牌, 咁駕院都係好選擇
咁我想要黃嘅師傅有無介紹呀?
你有無入facebook group「香港人的飲食購物天地」？我search舊post見到有唔少介紹，喺度開名唔知得唔得
謝回覆, 我有JOIN 谷,
暫時報左駕院, 想合格攞牌先, 之後再睇下點補鐘
祝順利攞牌
1個讚
私人，我肥左兩次，第三次pass,前後兩個月搞掂，因為可以自己去運輸署個網執啲快期。
我妹駕院，肥左一次，之後要跟駕院排期，等半年，之後又肥，又等半年先可以有位考完…
如果好有信心可以一次pass,就駕院