我公司有班C9團體，佢地好鐘意圍埋講是非，我屬於呢個團體既邊皮，因為我係C9但又好少參與佢地既討論。
721之後當中大部份人由藍變黃。但當中仍然有一個堅持走藍路線。
一如所料BNO單嘢引黎佢地討論。呢班人之中有BNO都已續左期(題外話，因為佢地棄暗投明，我有教佢地點續，但因為佢地仲係藍時鬧過手足，所以我唔肯幫佢地副簽)。
淨低唯一果個藍C，係咁恥笑呢班C9，話佢地少少利益就變節，話香港政權移交之後好過英國果時，唔知佢地怕乜。
有個C9已好叻叻引用我之前話過佢地果句︰以前香港望住英國，見到變成佢地咁係好係進步；依家望住中國係變差退晒步諸類云云。但可惜佢冇例子反駁，結果比藍C9用經濟數字講到收聲…
本來已經唔想加入埋D C9交，我聽到真係忍唔住問藍C9︰
我︰你又話搞緊個仔去英國讀書既？
藍︰係又點？我都冇諗住移民，去讀書之嘛，佢果科中國冇之嘛，唔係我都返中國bla bla bla 不停講。
我︰聽講bno holder個小朋友去英國讀書可以申請入藉英國。
個藍c9一聽到，雙眼即刻發光(我諗佢自己都唔知)，嘴角向上笑住問︰係咩？真係架。
我笑笑口話假架，不過你個表情出賣左你。
成班c9齊聲恥笑佢，佢就繼續面都紅晒狡辯…
藍絲d所謂愛國真係好廉價。
33個讚
做得好，我唔想bno平權益左呢班人，只係想英國肯政治庇護後生仔，等佢地有得走
6個讚
我要強調，唔係我勁，係佢渣。老土d講句，身體最誠實。
1個讚
笑死我喇，不過typical 藍絲係利字行頭，自私自利，短視缺乏常識同無獨立思考
4個讚
沒有最低質，只有更低質。喺我心目中blue c的形象，喺香港搵到幾歺晏仔，去到英國點搵食！英國學校都分質素的。
如果佢藍得夠徹底，貫徹佢愛國愛共(佢唔係愛港)既立場，當下嚴肅咁駁斥我侮辱佢人格、堅持自己只係送仔深入敵陣為國為諜，我對佢呢份愚忠都仲有半分敬意。可惜佢既表情太誠實。
So cheap.
1個讚
中國冇嗰科讀？即係唔係中國需要嘅科目，咁係咪即係讀完之後唔可以貢獻祖國？
應該同佢鬥愛國嘛，話 “祖國咁偉大，點會冇呢一科？ 祖國唔開設，即係呢一科對祖國冇用處，讀完返黎都唔可以對祖國有貢獻。以前打仗嗰陣千千萬萬個中國人都犧牲自己家庭、事業、意願，宜家區區為左一個對祖國冇貢獻嘅科目要去崇洋媚外，點可以咁自私，咁唔為祖國思量？”
4個讚
其實我從來冇關心過佢個仔讀邊科XDDD 因為佢既立場我一路都睇佢唔順眼XDDD
希望英國政府可以比班被告年青人, 即走!申請政治庇護!
1個讚
