我已經39W5D，上星期私家照到bb有8lbs,建議公院催生，但健康院又話唔需要～因為8磅好正常，又未到40週
有冇催生媽媽分享下經驗，通常點先需要催生呢？
我啱啱5月頭生完，威院，39w6，因為見少少血入院，最後變左要人工穿水催生，因為我入院後小便有蛋白，佢驚我妊娠毒血，所以就催生。
我個女都8磅，如果你夠高（我158cm)，公立好少會因為大B而催生… 唔怕架！加油呀準媽媽！
1個讚
多謝解答！
1個讚
我上年有妊娠糖尿同妊娠高血壓，所以要排期催生。
我都係妊娠糖尿催生, 安排咗預產期果日催生
點知早咗幾日就見紅入院, 但入院後無乜聲氣
本來醫生話安排返我照原定計劃催生
跟住我多口問可唔可以早一日(因為唔想同自己同一日生日), 佢又比喎
咁橋？
咁即係通常有特別情況先會催了～
係呀XDD
預產期本身早自己生日一日
咁我驚催完都過咗00:00
咁咪問下可唔可以早一日囉
我係呀 
催生好快，唔需要怕
但當然陣痛都會痛啦，只係比普通順產快
有呀
因為阿女個頭比較大
係成個碼都大左1，2星期
私家寫紙叫38.5wk要催生，否則40w胎太大會難產
但催生失敗，最後全麻開刀（我腰有事打半麻有機會唔中）
私家係咪直接寫信比政府醫院㗎會
我個b係個肚度吸收唔到營養，即刻第2日入院安排催生
咁醫院點知吸收唔到營養？係咪輕咗？
我私家有產檢，覺得有少少似就寫信比我返威院check，check第1次話無事，第2次bb無重到就即刻催生
1個讚
明白明白！
當年三十七週見紅入院，本來話未得叫我返屋企。突然又話bb心跳快定慢唔記得咗，問我不如催生。我乜都唔識就梗係話好。
唔使經歴痛足一日一夜，直接入產房，人工穿水，打藥，好似十個鐘內生左，我覺得幾好.幾好…
快靚正
2月29號催生，痛咗7個幾鐘，子宮頸都唔開
俾人推咗份手術室開刀 
我見紅入院兩日都冇動靜，醫生建議落催生藥，朝早6am塞藥，再人手穿水，下午1點幾生左，但唔知催生係咪痛啲架呢？
咁好？7個幾中就幫你開刀？私家？我塞左兩次藥，即係兩晚都開唔到兩度，跟住到勉強比我生果時又話產房Full左叫我等多日。之後話BB心跳慢左先比我過去，過到去BB心跳又無事，就人手穿水再等等等，等到夜晚都未生得先問我開唔開刀。。。