未生前同我奶奶唔係成日見，一年先一次。生完之後日日係我屋企話就話幫手湊b，但係佢其實完全唔識，沖涼都唔識，換片試過見住佢搽尿疹膏同埋粒屎一齊搽。
做錯又唔認，成日貪方便咩都擺曬係bb床，成床都係衫呀尿墊濕紙巾，沖涼毛巾都掛係床頭。話佢又話唔洗驚，邊有咁緊張
著衫唔放係床著，係都要放係自己大脾著。個女仲咁細，啲骨咁軟成日拗住條頸咁。老公唔覺有問題咁，見到都唔出聲，下下我做醜人。
而家呀女兩個月大，日夜觀仲未tune好，無論日夜都訓。全埋身根本唔洗定時定候食奶，奶奶成日話個女三個鐘就要食一次，成日話佢肚餓要食左先好訓教。我唔餵住就口upup話「你媽咪唔比你食呀」咁樣點戒夜奶？總之同我嘅做法完全相反！係唔係都抱住個孫，我明佢係錫佢，但係訓左教無必要抱住呀。話抱到佢差唔多時候飲奶就放手。我唔想個女慣左要人抱住先肯訓。
日頭我拉開窗簾又同我落返，夜晚又開燈比佢訓。自己唔識野就話我罰個女，用包被同唔開燈訓教都叫罰！話我包住佢唔比佢郁。
以前佢就唔係餵人奶嘅，我係全埋身無補奶粉。個女生左啲粒粒係面就問我係咪食左啲咩搞到bb咁。個女夜晚唔訓教就話我食左啲野搞到bb唔訓教。食母乳易消化多啲便便又話個女成日痾屎，蹝曬啲片。
我對個女做咩training都比佢彈，「睇下你得唔得」，「佢仲細個，識咩野呀」tummy time又話咁細個未有力，tune日夜又話唔洗咁誇張。
最唔鍾意係咁細個已經feel到會好縱個孫，「嫲嫲比你無人夠膽話唔比」，一聽到我就火都黎，你要教女教返自己果個，唔好教壞我個女。
我已經好盡力控制自己嘅情緒，唔係太大獲我都唔會出聲。佢平時講啲廢話都扮聽唔到，我已經覺得自己頂唔順佢，唔想同佢講野唔想答佢啲無謂問題，連眼神接觸都唔想。我唔知仲要對佢對到幾時，話就話幫手，其實唔幫好過幫。
2個讚
可唔可以直接d，同老公講，叫佢返屋企?之後係咪要靠奶奶湊?
2個讚
請老公同奶奶講，麻煩佢唔駛日日黎。
如果自己湊，更加唔駛驚第日仲要求佢幫手。
2個讚
之後係ftm，因為疫情奶奶係我地到住，未有機票返外國
有試過同老公講過，佢覺得老人家錫個孫姐，想抱下佢姐…呢啲理由
奶奶真心難頂
我都試過忍唔住因為湊b問題而同佢鬧交
長老有時啲行為係自己角度出發，唔係為個孫
話係錫不如講明啲係自私 
最明顯係搶住抱，乜都要抱。
我都有俾奶奶湊，不過一星期一兩日，有時啲嘢睇唔順眼都係忍下算🤦但係你日日見做真係好難頂。
衰啲咁諗，我奶奶都成日爭住抱，好似成日覺得自己搞得掂bb，我地抱就搞唔掂咁
咁諗一嘅都唔衰
我果件就係咁，上佢屋企食飯，阿B一喊佢會同我哋鬥快食完掉低個飯碗衝過去抱。
但係我哋本身係想佢自己喊陣先🤷
同我奶奶一樣，bb一喊9秒9衝去抱佢，就算我抱緊都要爭住抱。
同我地講bb唔好同大人同床，即使我係醒左望住bb訓都唔得，話會搞到佢痴人氣。但係佢就可以抱住呀b訓，係抱到佢自己都訓著左，勁危險。話佢就話「怕咩呀，點會跌」仲話我過分擔心
你奶奶真係好Q煩，你豬隊係幫你定幫奶奶，最好就叫你豬隊出聲話你奶奶先，如果你豬隊唔肯做醜人，你真係要爆一次先得，你奶奶而家擺明蝦緊你。
1個讚
仲要有咩事第一時間瀨落你到！
“你無睇住佢架咩”
“塊面R損晒!你無幫佢剪指甲啊?”
“(BB抱住喊) 係咪你抱得佢唔舒服啊~”
個B好似佢個仔無份咁
講99壞話真係可以講一世
3個讚
叫你老公抱住bb 瞓，以後都抱，起碼抱到3 歲，你叫佢試吓晚晚抱一個月先啦！
1個讚
[quote=“charlottepo, post:8, topic:20709, full:true”]
衰啲咁諗，我奶奶都成日爭住抱，好似成日覺得自己搞得掂bb，我地抱就搞唔掂咁
[/quote] 啲老人家成日都係咁諗，明明佢地自己一個湊先搞唔掂 
豬隊友咪話奶的都係想幫下手姐，叫我諗好果方面
同埋佢就算見到自己呀媽做得唔好都唔會出聲（例如擺好多野係bb床），我覺得係連佢自己都唔覺有問題
講得好岩，爸爸一抱個女就話個仔攰啦，嫲嫲抱啦
坐月果陣我湊b飯都唔得閒食，老公幫我抱一陣比我食飯先咋即刻問我老公做咩咁耐唔出黎，出面廳買左蛋撻凍曬啦。佢個仔食野就要趁熱食，我就食都未食仲咁多事
永遠同一句說話我講同個仔講都有唔同效果，我同奶奶講永遠都唔聽，信自己果套，仲覺得你下下都話佢做得唔岩。可惜豬隊友唔識do，唔明婆媳就算幾close，都唔係母女，唔可以直接ban佢
好恐怖啊，真係好憎當正自己係bb媽咪咁
係我會直接開火+話我自己個女自己湊就ok
唔洗麻煩佢老人家
我奶奶仲要係無咩常識，見到佢湊你都驚，雖則自己都係新手
卡介苗個傷口講左幾次唔好理，自己會好，問我好唔好攞消毒紙巾抺下佢，又話用熱水敷下個傷口，等個傷口舒服啲
1個讚
我係你會直接同奶奶講有D乜做得，有D咩唔做得，詳細解釋點解唔得，你
隊咁你就更加要自強，好聲好氣咁同奶奶講道理，佢唔明唔理都好，你都要據理力爭，你係BB媽媽，你要自己保護BB呀！加油
我自己當年湊B，奶奶講D乜唔啱我都會反駁，我只係講道理，全部有科學根據，唔好成日用三十幾年嘅野出嚟講，最憎呢D奶奶。
2個讚
未開口解釋已經ban左你先，「怕咩呀，大驚小怪，bb自己會識就住架啦」
叫佢要打側bb訓，驚嘔奶，「佢嘔果陣自己會識擰埋一邊架啦」唔識又扮代表就最叻
同埋佢係一個好粗魯嘅人，講句說話又大聲，次次返屋企都會嚇親bb，語氣用字都係好粗魯，同啲細路玩遊戲會講「死茅柴」，雖然唔係講粗口，但小朋友學野好快