有冇人睇高醫生？覺得佢點？
暖男一名，細心溫柔，有問必答。
我產檢同接生都係佢
我！搵佢開刀添 
傷口唔痛冇乜感覺，診症答問題細心。
但係平時產檢堅係等好耐 
預要等兩個鐘左右，同埋時間所限，會診時間有啲短
今次我唔算等得耐
最耐個次都係一小時
不過有時問多次，佢又唔想重複咁，好似好趕時間
佢超好人又細心, 診症時間係短但都會有問必答, 睇完佢好安心, 有啲產檢公立有佢都會提你可以返公立做。
不過睇佢嘅人太多, 真係要預啲時間等, 有時連埋單都要等好耐。
有啊。好細心，評估準
1個讚
想知價錢貴嗎？
$1200 診金
藥費另計
我覺得佢無耐性，我由8 weeks 睇到30 weeks 就轉左第二個，t21 同結構都跟佢，本身打算搵佢接生。由12 weeks公院要我食亞士匹靈食到38 weeks ,第一胎唔識問高醫生會唔會食藥食得多對胎唔好，佢有啲忟咁答「你唔好咁諗野啦。」（咁我咁問都想知道求個安心…）俾埋以前啲病歷佢，佢都無認真睇（之後睇第二個婦產科醫生，佢好好咁提點我懷孕要注意啲咩）。跟佢照完結構之後產檢，就快30weeks 我問佢可唔可以開4D 俾我睇下bb個樣呀，好記得佢講「4 D其實對醫生黎講係無咩用途，主要係睇照聲波」（當時有啲唔開心佢咁講，係媽媽Whatapp group 話佢會主動開4D 俾媽媽睇，況且就算對醫生無咩無用，但媽媽等左3個幾星期先睇到一次Bb ，我真係好想睇下b 個樣點架，而且照完結構後第三次產檢問，都隔左一排無睇4D）。又有一次突然肚痛，去睇佢，當時唔知咩事，佢只係照完超聲波就話「okay ,bb 無事」我要追問佢點解會痛，佢先答「可能扯就啲肌肉」。綜合睇左佢7次真係覺得佢唔係網上所講咁warm 同caring ,我就決心轉醫生啦。如果唔係因為疫情，而當時石門卓越近我屋企，加上我無經驗、無比較下，我會早啲轉醫生 
1個讚
好似中醫咁，睇你夾唔夾
你又會忍咁耐既
我唔係睇高醫生，但都係一位個個話好好既醫生
但就同你對 dr.ko 經驗差不多，又係好趕，問多兩句都唔得
所以結構已經搵第二個醫生了。
因為佢診所同屋企只係行15 分鐘，個時疫情唔想出太遠去睇/去醫院做產檢，同埋又係朋友生完再推介俾我，但越睇越無信任自己又想順產，先決心轉醫生。
我都住的近他診所, 同prefer 順產.
所以, 你意思佢中意開刀多d?
私家醫生好穩陣同安全，我朋友睇高醫生因為算高齡，係佢38weeks 時話宮頸未軟建佢開刀。
i see . 後來你轉左邊個醫生?
好細心嘅暖男，個時我化學懷孕過，好驚今次又係，佢安慰我話每次懷孕都係獨立嘅，“我哋”今次一齊努力。次次照3D都好努力整呀b轉過嚟望鏡頭
個仔30幾週個磅數有問題佢都即刻留意，之後好快寫紙比我比政府。但係真心等好耐（年幾前），好彩嘅一個鐘內，試過照結構可能要排我後d，等咗2個幾鐘，諗起都攰。所以有時睇症佢會有d趕，但係係細心嘅
搵佢照結構 幾好呀
其實產檢時
另一個醫生成日都話 好多野都解釋唔到
所以有時係真係冇答案
1個讚
我都有睇高醫生產檢， 同搵佢開刀。 但我覺得次次都一般般， 我同時都有睇另一個劉x芬醫生， 相對劉醫生就每次都好詳細同nice.
高醫生開刀手勢都幾好。 但我麻麻地佢產後檢查 同佢介紹俾我個兒科醫生， 個兒科醫生勁hea。
1個讚
我都係睇高醫生產檢㗎
佢好細心㗎喎 我本來都想搵佢接生
之後產後檢查都幾好呀
溫柔 有耐性 細心 有問必答，照結構好詳盡，本來bb呢左係胎盤後面睇吾清楚面仔，醫生都願意花時間等bb轉位置，比我地睇埋5官先，連老公都大讚高醫生