本身我同老公都黃
我老公係深黃 我係偏黃
曾經一齊帶住當時只有幾個月大既bb去機場靜坐
呢排佢同我講：好喇 終於要放棄喇
聽完我心情好沉重
啱啱買完樓 困住左 移民無我份
仔仔仲好細
好擔心未來既香港
真係好無力 好似做左好多野：捐錢+上街
都無用
Sister
You are not alone
大把香港人一齊捱
2個讚
謝謝回覆
今晚真無係瞓唔到
我擔心聽日又有人受到傷害
真係唔想見到咁
1個讚
點解要放棄？都辛苦左咁耐，都預左唔會咁順利打得贏，仲要而家係打大佬，一D都唔簡單，唔單止你一個人打緊，仲有好多人陪你一齊打，唔好忘記曾經為我地犧牲嘅佢地，大家一齊堅持呀！
今日睇到呢個，大家共勉之：
5個讚
放棄？中共就正正想你咁！
我明、唔好怪我、之前仲敢帶小朋友出黎、今日唔敢、真係好沈重、我答唔到佢咩係啱咩係錯
妹妹，唔使內疚，喺環境好差嘅情況下，人係要識得韜光養晦。最緊要保存內心嘅火種，有一日可以重燃希望。
東歐以前比蘇聯極權高壓統治，佢哋都等左好耐，時機成熟，東歐人民推翻極權只係幾日時間。
你如果記得，雨傘運動後有一段時間大家都係好無力，唔知總有乜嘢可以做，大家都好似放棄。我哋都無諗過舊年會有咁多人出嚟。香港人嘅特徵係能屈能伸。
有位智慧長者曾經教過我：當你覺得無野可以做到嘅時候，返回自己崗位，做好一個人。唔好睇少呢樣野，會有蝴蝶效應㗎。
P.s.我哋今日都未必去到，但係著咗黑衫以之明志。
3個讚
同你處境差唔多
但香港人精神好勁
自己走唔到姐，唯有送小朋友走啦
加油。我自己覺得佢唔可以磨滅我地係有顆香港人的心。不過如果可以真的希望大佐叫佢地去返外國讀書。我自己係咁諗住。