6歲仔，好多時因為選擇困難而喊。但最近佢嘅選擇困難似乎越來越唔make sense，例如今日佢話自己想食一樣嘢，跟住又話唔想食，然之後就喊。其間不斷話想食又唔想食無限loop。我哋試過引導佢做選擇，又問佢喊嘅原因，佢通通答唔到。
呢個問題應該只係喺屋企出現，佢喺學校應該ok因為老師冇同我哋投訴過
究竟點解佢會咁？大人有咩可以做到？
因為要選擇而喊第一次聽
會唔會係驚揀錯而要承受後果？
你不如試吓引導佢選擇
話俾佢聽揀咗之後A有乜好處或者壞處
幫佢分析
不過如果六歲嘅話其實佢自己有分析能力
你引到佢分析睇吓會講啲咩俾你聽
從而嘗試了解佢點解因為選擇A而喊
家長加油
我仔太有主見，又扭又喊又煩…
你仔其實係就得人，冇所謂d人… 人緣會好好
係咪淨係飲食有呢個問題？ 有本書叫《French Kids Eat Everything》，講法國人對於兒童飲食嘅教育方式
今日佢又因為瞓唔瞓晏覺嘅問題而爆喊，我已經盡力分析同引導佢做選擇，佢知道瞓同唔瞓嘅結果但就係揀唔到，因為佢覺得瞓咗就睇唔到電視，唔瞓又攰，所以佢想兩樣一齊做但冇可能㗎嘛，然後仲越講越激動喊到收唔到聲
老公叫我唔好同佢再講，越分析佢越亂，不如由得佢靜吓
我覺得佢有時為咗想我哋開心而壓抑自己真正想法⋯⋯
佢喺班度人緣真係幾好㗎
唔淨係飲食，但凡要佢做選擇嘅時候就嚟料
不如試下暫時唔好比佢自己揀
由你去決定
如果唔使佢擇就冇事，咁唔使佢擇會唔會就解決到問題？
怕「錯」？會唔會對自己要求高，想keep住個好形象畀人所以有壓力？
有d小事，無論揀邊樣，都唔需要喊
唔一定要揀啱，亦冇邊樣係一定啱
撞過板，自然學識
佢要學識放鬆d就真