天水圍嘉湖邊個居最好住？
租屋有咩一定要check 同留意！
個人認為新北江附近唔錯，方便買嘢
租屋要留意有無發毛、水質、冷氣熱水爐會唔會好舊
之前住過賞湖，我覺得幾方便，近西鐵可以
行番去得 ok 唔一定搭輕鐵，買嘢都方便…
可以去新北江或行天耀買嘢又得行去銀座又得…
不過賞湖入面無游泳池如果要游就要
去會所，其他乜湖物湖入面就有埋游
泳池…
要靜就簡美麗景
要方便熱鬧就簡樂賞翠
樂湖、賞湖上年食正tg，住樓上居民要閂窗。
及樂、賞湖較雜及烏糟。
嘉湖會所近樂、賞湖，不過都好舊了。
翠湖自成一角，冇泳池、冇村巴，去天西要轉輕鐵。
美、麗、景湖近銀座商場，有pk、食肆、銀行、戲院等，好方便。
美麗景附近都有俱樂部，唔洗去嘉湖會所。
比我揀，我會揀美、麗、景湖是但一期，唔會揀樂、賞湖、及翠湖。
1個讚
唔建議樂湖，但好外區人多以為樂湖最好，方便，因為最近西鐵，但其實行都唔近， 新北江可以話好多野買同食，但好雜， 七仔外污煙瘴氣。
真係好住係美麗景，靜好多，冇咁雜，最近大club house, 三個居都有免費shuttle去西鐵站， 有銀座T Town 天一 三個商場
T town , 銀座都OK
天一，不了，地下商場菜檔、佳寶多新移民阿姐及舖頭有異味。
其實翠湖有泳池，前面係天瑞邨，後面後嘉湖置富，巴士總站，右邊係天頌即Ttown,左面係天水圍公園運動塲，撘西鉄真係要轉輕鉄，不過有巴士去机場，沙田，東涌，荃灣，旺角，觀塘，銅鑼湾，港鉄不了。
原來翠湖有泳池，我以為冇tim。
翠湖早晨撘巴士，有冇位坐？定係要行去天水圍巴士總站？
翠湖站有位，天瑞站都有位。總站比天瑞近少少，但巴士会先繞天水圍北。
我記得呢個係最舊果期？
會唔會好快要外牆維修？
俾個公園圍住，會唔會好多蚊架？屋企有bb
I see. Thanks
樂湖約10年前洗過外牆。
呢排，成嗰天水圍都多蚊
高層應該好D，我以前住18樓無乜蚊，而家住柏慧四十幾樓極少蚊。
我識幾戶人由嘉湖搬去柏慧…
搬走原因係？
柏慧幾好，我鐘意有露台，可以曬衫及種花。
係喎。咁住嘉湖點晾衫呀？