同老公除左係生活嘅partner 係公司仲係上下級〜
平時係屋企已經成日聽老公講各種各樣嘅事
而當佢要認真講嘢嘅時侯
佢成個人會坐直 仲會有各種各樣嘅body language
一見到佢咁樣 我就知佢又要「開會」mode
呢個時侯我就會開始打「喊怒」
當佢講完一大輪之後佢都會問我
「你明唔明啊？」
我都會扮話「明啊明啊！」 其實我個靈魂一早就飛走左haha
慢慢老公開始知我一打「喊怒」就即係無心機聽
當我一打「喊怒」 佢就會望住我
然後表現：）嘅表情 就唔再講落去haha
但係公司 因為老公職位比較大粒 會負責開會講安排
我就真係一邊聽 一直打「喊怒」
我真係控制唔到啊媽咪！！！
然後其他同事望到我咁就會係咁笑 〜
係屋企我就同老公講
「開會果陣千其唔好Q我啊~唔好問我有咩意見啊~我唔想7啊!」
hahahaha〜
好彩老公都好識做haha
真係試過 除左瞓覺果幾個鐘 其他時間都聽梗老公把聲〜
佢果句
「你明唔明啊？」「你明唔明啊？」「你明唔明啊？」…
係一直係耳邊啊！！！
不過可以成日都見到 其實好開心〜
有時佢無返公司 見少左陣 都真係會心掛掛haha
