我有一個仔8歲，大約早兩年前都想生第二胎，但因為上年社會運動開始漸漸打消念頭，但而家意外有左，第一次檢查時仲問醫生最遲幾時決定落左個bb，不過老公唔忍心咁殘忍，到10wk 做T21兩日後睇報告知道係仔我仲失望，我喊住同老公講唔想要快立即解決，老公唔想佢係咁安慰我，喊左幾晚，因為好驚將來香港變得好差，好驚害左下一代，而家仲講話立‘國安法’仲恐怖，我知而家驚都冇用，想舒發下情緒 
2個讚
依家國安法我都擔心bb將來
不過bb要來的話
都係一種緣份
1個讚
係啊。有咗係緣份。等大仔第時仲有人可以一齊傾。最重要你點教。加油
我都覺得BB嚟左係緣份嚟咖〜要珍惜啊
好多嘢例如社會環境係點真係好難預計嘅〜
既然控制唔到嘅 就唔好太擔心啦〜
BB會感受到媽咪嘅情緒咖！
多謝你地！
睇倒而家一步一步咁打壓，個人真係好灰，
我都想開心d笑多d，希望將來真係有奇蹟
會牙，可能成日坐同瞓，起身又見頭暈又嘔，無哂娛樂，吾想負面都幾難
BB揀呢個時候黎一定有佢既原因既，唔駛咁悲觀住。好好教育2兄弟相親相愛，上天安排個同伴俾大仔，有個人互相扶持都好。唔驚得咁多架喇，大家一齊捱過去，一齊有粥食粥啦，捱過最黑暗，黎明就來到
1個讚
我上年坐月期間係每日幾百粒催淚彈的時候，當時我都試過望住BB講對唔住，覺得為咗自己生佢出嚟好自私。後來有朋友送咗本繪本俾我，睇完之後，我成個人鬆返哂，佢大約係講小朋友需要嘅嘢好簡單，係父母俾佢嘅愛，而且佢地嘅世界先啱啱開始，未來充滿可能性！我有信心俾佢母愛！
本繪本叫「因為寶寶笑了」，係個日本媽媽喺311地震後畫的，希望你經過書局或者有機會就睇下！
4個讚
可能香港可以光復，可能仔仔大個會去外國，人生有好多可能，父母盡力比最好嘅嘢佢，等佢將來可以有多啲選擇，唔好做令自己後悔嘅事呀
香港人加油，香港媽媽加油
3個讚
多謝你介紹的繪本，去書局睇睇先
我都有同老公講想送仔仔去外國讀書，本身諗住供一個仔都搞得掂，如果兩個未必得，呢樣先最煩
而家可能好多擔心，不過俾啲信心自己，俾到充滿愛嘅成長環境俾已經好足夠。屋企外面嘅事你可能無能為力，但係自己一家人之間仲有好多野大人可以做。
你對BB最好嘅選擇一定係同佢開開心心咁過。
2個讚