大家覺得公文式好嗎?考慮緊畀唔畀小一囝囝報堂~
讀幼稚園去玩下係可以的,但係上咗小學就要諗清楚,同日校課程唔係好夾
公文係操 speed,對理解、學新野呢方面就冇幫助。
個人唔太推介,樓上都有講係操speed,小朋友可能得到嘅係速度,但失去嘅可能係興趣,因為真係悶,我覺得得不償失。同埋有時小朋友做得慢未必係計得慢,可能係理解題目慢,可能係諗完寫出來嗰下慢,要對症下藥,公文未必適合。
樓上講公文操speed,同我聽到嘅相反。
我聽到嘅係學生可以根據自己每科嘅步伐升班,而唔係好似香港教育制度咁按年所有科一齊升班
就係按你程度操speed
我自己讀過公文,係按程度操 speed。我就係因為經常計時,做到壓力大唔開心先轉。
唯一開心就係有貼紙換禮物。
我自己係數學completer,小學二年級讀到中五。一開始小學階段,我自己讀得幾開心,因為程度唔難,加上會超學校課程,所以學校考試通常100分 到中學階段,學校功課開始忙,公文d數開始好難好花時間嘅時候,係有一年半載好想放棄,但爸媽堅持慢慢讀,好彩堅持到落去,數學主科幫我平均分拉高唔少
數學就話可以操
唔知英文得唔得呢?
謝謝大家回覆!睇大家嘅經驗好有趣
英文 grammar 係可以操,因為大部份官津貼 grammar 佔全份卷超過一半嘅分數,部份仲要玩得刁鑽,唔操就肯定眼殘填錯。直私就要睇個別學校。
細個有學過數學, 小四到中三覺得好有幫助, 學得快過學校, 變左返學好輕鬆, 當時導師都比好多自由我, 自己睇solution解題, 所以係學到野, 但升中四後就大獲啦, 學校amaths學緊trigo (公文未學), 公文就學d同in (學校未學), 變左同一時間兩邊都學緊完全新嘅野, 結果兩邊都搞唔掂, 加上高中學校功課多左好多, 成日做唔切公文啲功課, 所以中四就放棄左
ps 到宜家過左10幾廿年, 有時都仲會發夢要去上公文但未做功課都趕功課
不好 不聽有說對小朋友很大壓力 和情緒問題
情緒問題我都聽過。
我女以前讀過。speed 真係好快,屋企人仲以為佢係資優
個人認為公文適合對數唔係好叻/冇咩興趣或讀緊IS 的小朋友學好,對理科或數學有興趣的就不了。
身邊識人讀
我自己果個一定唔會俾佢學
覺得曬錢曬時間
操黎冇咩意思 上到中學都用計數機啦
洗鬼為左快啲 而操呢 好大壓力對實際學數冇幫助
但係按返自己程度學 呢part 就反而幾好
我小朋友成日話學校太簡單
讀左5年,有用。數感強,轉數快,英文閲讀理解能力好。已經睇曬8本Harry Potter,The Chronicles of Narnia,keep住不停買書,近排睇完The Secret Garden話要買Return to the Secret Garden.
唔建議,我自己上過佢地特許經營嘅course,我臨門一腳放棄左,因為我自己都唔會俾自己小朋友去讀。