已經冇感情 純粹因為對仔女 有個健全嘅家 相敬如賓
同屋主出軌兩次， 對佢冇感情冇期望
我自己娘家嘅事關你鬼事咩! 又冇問過你攞錢？ 結咗婚九年， 茶都未請過我屋企飲過一餐， 我哋都不計前嫌大魚大肉招呼你! 而家 我老豆 身體唔好 退休開唔到工 , 佢自己有退休金， 我哋兩姊妹自己心意 畀零用錢過老豆要你批准？ 好彩一早睇清真面目， 仲好 應酬都慳番
2個讚
作為一個未婚既其實我都唔知呢個情況點解決… 
不過另一半唔鍚自己屋企人既話我會好嬲
其實我覺得，喺一個虛假嘅健全家庭度長大，對細路仔第日嘅心理打擊反而仲大。細路仔眼中，寧願聽到殘酷嘅現實，好過長年纍月嘅謊言。
3個讚
仔女幾大喇？
樓主都要為自己著想 同一個冇感情嘅人生活都好痛苦
佢仲帶比你咁多傷害
1個讚
小朋友太細， 尤其是大女， 真係好需要佢爸爸， 我自己就睇淡曬， 對住佢又唔痛苦嘅， 當 共同撫養， 只不過係要同一屋簷下， 叫做多個人陪下對仔女， 同埋一日最多都係對四個鐘， 好彩嘅係大家都係真心愛對仔女， 叫做有共同目的。
1個讚
認同~
明白~ 但…
如果, 你搵到人陪你走落去呢~
咁又唔係虛假嘅， 大家都唔想影響對仔女只不過係大家冇咗愛情， 好似普通家人咁相處
唔知㗎， 如果到時真係有嗰個人出現， 拍住拖先
咁都要同小朋友交代…架麻…
我諗我最快都要等我個細嘅讀小學我先會有心情諗感情問題
其實依家有冇另一半都冇所謂我覺得最緊要自己自由自在開開心心
1個讚
“出軌兩次”，對於大人嚟講，可以扮冇野。但係對於細路黎講，小朋友比較單純，佢地嘅世界多數圍繞住屋企人。“爸爸媽媽已經冇愛，爸爸出軌，媽媽當冇件事，繼續扮冇野”，對佢地黎講就係天大嘅事。最好就係青春期前講，青春期荷爾蒙激增，分泌不平衡，容易產生反叛，情緒病，抑鬱症，甚至自殘傾向。有好多案例，家境富裕，爸爸媽媽分別出軌，繼續扮無野，小朋友就走去吸毒同偷野，亂搞男女關係。以對家庭嘅認知反映世界觀，“還點黎嗰世界乜都係假，吸毒同偷野wfc?” 或者屋企搵唔到愛，就出街搵。
冇錯啊，小朋友會feel到
我係過來人，父母又係冇感情但維繫住婚姻
一啲家庭溫暖都感受唔到，覺得多餘