我唔讚成，大陸可能仲爆得好勁，只係瞞報數字所以睇落去好少確診。班跨境學童隨時造成第二波大爆發。
我都擔心。
仲要有人話人哋大陸零確診咁濟，安全過香港，係都係班跨境學童擔心多啲。
我聽完仲怕，咁到時候實爆啦
跨境學童應該一樣要隔離14天，做唔做到閣下既事。
2個讚
算吧啦，香港都咁多變返+ve嘅case, 香港都仲話會隔離佢地，大陸唔當呢啲係感染，淨係「無癥狀患者」，嘩你行過身邊隨時有一個咁款
佢地返嚟仲話唔使隔離
又喺學校
雖然話放啲係高年級啲嘅落嚟姐
同校仲有啲細啲嘅懵豬一返學見到人就放肆架喇嘛⋯⋯
好難唔再爆 
no
唔讚成。
考慮頭兩星期唔返
其實而家係咪仲算封緊關？
算嘅都
Btw 小提點 贊成 唔係讚成
1個讚
雖然有擔心，不過呢個擔心無得排除，一直唔返學？幼稚園唔返無問題，中5、小5、小6都一直唔返，咁點評估成績？海外升大學、升中點算？
其實唔贊成，亦都覺得限聚令問題，太多矛盾！
連我女個”同學chat group”，都高談緊，返學後唔敢去邊層邊層，因為特別多跨境學生。
日日咁多誇境生
又唔駛隔離 實在…無言…擔心
雖然我唔係住誇境生重災區，但一間學校咁大其實總有幾個國內學生，又唔知佢地家鄉係咪湖北…
所以對復課真係又愛又恨
冇可能無限期停 因為主要確診個案都係外地輸入 所以本來應該安全
考左咁耐試都暫時冇乜問題
如果再爆先再停啦
由十二月冇上堂到宜家，咁耐對小朋友、家長都係一種痛苦，對要面對呈分、DSE 嘅學生就更痛苦。
香港宜家情況都算穩定，的確可以試住半日，一有事先再停。否則一直咁停，到最後一開學就學校、家長、小朋友一次過追大半年課程。
係停跨境學童
咁都冇辦法，政府唯有就係綁手環、每日強制驗體溫，每7 日驗一次唾液。應該亦有老師係跨境。澳門都係咁上下。級級都有內地學生，亦要面對升中升大，又冇理由剝奪佢呢個資格。
點都要踏出第一步，唯有見步行步。
雖然, 我都唔相信中國報既疫情.
但又咁講… 我的確見我7個國內分行既同事 OVER 100人, 久不久響WECHAT POST野…個個都 正常生活, 行行企企, 出街食飯睇戲無問題.
小朋友都全面復課.
真係都幾平衡時空
如果坐我小朋友隔離位係跨境生，我諗我唔會返學住了
咁可以選擇自行停課嘅，但又唔可以話復課但阻班小朋友讀書。
我都見大陸宜家鬆懈左好多，咁按推論，佢由十二月 (唔計十一月啲零星案) 開始爆到宜家都已經半年，已經過左頂峰，所以 “正常生活” 都唔出奇。宜家外國遲爆發 2 個月，都研究緊 7 月恢復。我估計如無意外 6 月中國會宣佈自己解封，然後 7、8 月全球都解放，9 月準時開學。
驚驚地, 其實跨境學童都多, 風險都幾高