我同老公一直都好想有BB…而家終於俾我哋成功了！
初先我以為佢會好興奮，但我發覺佢除左好好照顧我外，一點開心感覺都冇…
見佢每日只望住個電話睇社會發生咩事，佢睇到心情唔好，叫佢唔好睇，又話唔可能平行時空唔理出面既事而自己開心
我覺得好無奈，明明係人生開心事，偏偏因為生於香港，連開心資格都冇
5個讚
安慰下佢，喺我心中香港是 不死鳳凰
5個讚
最緊要盡力無悔，起碼可以撐黃罷藍，再呼籲身邊一齊盡力。
4個讚
同老公講要開心d，又一位真香港人就黎出世
17個讚
俾啲信心自己，小朋友係有愛嘅環境成長就一定會正直同有良知。自己做到幾多就幾多啦
4個讚
我會教到個BB 成為一個有良知嘅真香港人
所以應該要開心先啱
因為真香港人呢個portion 又大咗dd 啦
7個讚
我明
細女上年年中出世，買定薑醋劵叫老公返公司派
點知佢同我講無心情，唔派
2個讚
多謝你哋既安慰！
其實我都好明白佢對社會個種無助感，但除左罷藍撐黃都唔知仲可以做啲咩，只想佢唔好咁灰… 正如你哋咁講黎緊又多個真香港人… 我相信佢一定會識分是非黑白！只希望佢既將來會比我們好啦！
3個讚
有左BB是開心事！你可能以為好似做戲咁，一定表現開心興奮！但有D人的牲格較謹慎，會感受到壓力(尤其有責任感的男人)。加上社會事件令人不快。就是你現在見到佢的反應！
其實淨係罷藍撐黃有好多野做嘅，睇下有咩未罷到或者無留意嘅都罷埋（例如7仔OK？），無代替品就睇下係未真係需要。如果自己做足就睇下有咩辦法幫身邊其他人戒（唔批鬥，幫佢地搵代替品、搵資料，令佢地自己選擇返）
如果真係咩都做曬，咁都起碼無怨無悔啦，不過個人覺得永遠仲有得做
3個讚
其實而家社會搞成咁，相信好多人心中都好難真正開心興奮。
不過有bb始終係開心事，起碼苦中一點甜，第日望住bb都可以放低其他煩惱
4個讚
可以理解，我太太陀住B果時我都咁。同我傾過之後，一係要多比心機太太，二係關心社運可以，有名就簽，有錢就捐，有活動就出，不過當作任務，唔好太擺自己心情落去。各有各做，無愧於心即可，你閉門嬲多d對手足無幫助架，反而會搞壞自己，搞到運動少一個幫手。
4個讚
佢的確是這樣，比較內斂少少
唔開心幫唔到個運動，保持精神健康，做多一些抗爭任務先幫到。
有時我都唔睇新聞，等自己有咁多時間做twitter任務, like黃店，咁先係真正幫到手。
3個讚
有時真係好難控制到唔睇
唯有比佢有同行感覺
等佢都慢慢感受到bb都同行
要調節下等bb都開心d
1個讚
溫柔d，記得反洗腦……前面有說會冇本地教科書
事件發生了一年 睇到整個人情緒好低落，唯有睇吓令外一些新聞或者集中注意力去其他方面。
我有時都訓唔著，一諗到果d無人理既自殺新聞。
上年年中點可能有心情派開心丫．．
有小朋友真係好走啦, 唔好留係香港