教左大提琴8年
任教過的中小學有傳統名校、直資、資助學校
連埋接手學生的經歷、同行之間的sharing
自問看盡各式各樣、好與壞的學校樂器班
大家有疑問可以討論一下
其實而家小學生係咪基本都識樂器？
唔計某啲require一定要學樂器（綱琴以外）、要考試（音樂科考試或者皇家）的小學
其實又未至於個個學生都會去學
就算係有樂團的學校，校方重視音樂方面的培訓，都唔會個個都要學樂器
始終學業放首位，有時間先會去學
而且興趣班都唔止係學樂器，有啲小朋友喜愛體育、跳舞等而唔揀學樂器，家長都唔會、唔應該強求
始終學樂器係long process，需要時間去參與、練習，所以我見大家都會好好考量
直資又重視愉快學習（即較少功課考試）的學校，無require學生學樂器都一樣多學生參與
當然，好多家長同我都相信， 學樂器除左係學音樂知識同技巧，都同時係其他方面的學習，例如毅力、社交等等