社區中心大班嘅小學補習費約每月＄880， 小朋友星期一至五放學後可以去90分鐘，我當每月有22日上堂，即每月1980分鐘。即係每堂90分鐘只係比＄40， 好似好抵，咁家長就中招了!
呢類班通常1 位老師對8至12位學生。就當係8位學生, 我地計一下數:
90分鐘入面老師要分比8位學生, 即係每位學生平均只可分得老師11分鐘時間。 無睇錯! 係11 分鐘! 呢11分鐘要包括點名、叫同學坐好攞功課出黎、叫同學靜D做功課、核對功課、 對佢地有無做漏、處理有同學走黎走去或打架或互罵既混亂場面等等…
老師根本唔會夠時間去教每一個學生, 我知道有老師係會比答案學生照抄, 但係一到考試就見真章, 學生補咗成年習都唔合格, 因為根本唔明白課本講咩!
家長每堂比咗$40, 但係換得既只係11分鐘既指導時間, 平均每分鐘係比緊$3.6, 但係小朋友乜都學唔到!
如果搵一對一私補, 都係$190/小時左右, 每分鐘都係$3.2。計落平過大班補習。
可惜眼見好多家長一見每月$880就比價錢吸引咗。大班教學, 無論幾好既老師, 都好難幫到小朋友。
2個讚
觀察所得, 如果小朋友唔專心、學習能力較弱、想半年內有比較大既進步, 一對一私補最好。
小朋友本身都醒目、會自己做功課、只係有時會有唔明白既地方, 又想佢可以同其他同學仔有少少互動, 開心咁補習, 最好選1位老師對2至3位學生既小班。而其他同學仔最好係同級, 可以互相學習。
1個讚
以前真係越補越唔開心, 因為真係幫唔到小朋友, 佢地每日都好混亂, 成績越唔好就越無心機讀, 連有咩唔識都唔識問, 老師無時間幫佢地每一位, 時間一日又一日咁過去。最後我無再做呢份PT, 依家諗起, 好想有家長見到, 可以選擇補習社之前諗清楚, 計吓數, 係咪真係幫到小朋友先。
1個讚
多謝你講出實情, 好多家長其實當去託兒
1個讚
因為疫情在家遙距上堂，我就發現多人上堂小朋友真係無咩學到野，呆座多
係，因為學校未必留到咁耐，響屋企又冇人睇住，所以索性放響補習中心。
1個讚
我聽過D 小朋友直情趴喺度瞓覺都無人理, 呢D大班嘅課後功輔班 = 安親班
小朋友趴低瞓係唔會理嘅，因為可以睇少個，又唔會嘈親人。
1個讚
大班裏面咩人都有，有d小朋友會講粗口諧音，咸濕野，駁嘴駁舌等等。 老師未必可以即時控制同教導。其他學生就會學壞咗。 學壞好容易。
1個讚
壞咗好難教返好。 如果父母都要返工，貴少少請鐘點照顧飲食，再加個上門老師教功課好過。
通常大班嘅老師都係讀緊大學或大專嘅學生，諗住輕鬆賺下錢，唔會咁有心機教，夠鐘就放工。反正下個月家長都會照比錢，佢地又有糧出。
非常有感。。。雖然面對面都唔好得去邊。
平時面對面可能都係，但我不在現場唔知道。現在坐在我身邊，聽曬老師既對白，就發現有D堂好費，我用set up電腦既時間親自教好過。
可以嘅話家長自己教返最好
我以為都做過，總之佢一日唔做哂啲功課，一日我都係要ot，但啲小三學生可以連廿六個英文字都未識，根本係幫佢做埋咁滯
成績好果啲就叫佢做功課，做完對，無野做就叫佢做練習
勁辛苦，收家長好貴，比我就25蚊一個鐘（n年前）
見過五年級連girl都唔識串，二年級連單數雙數都分唔到，入大班補習係害咗個細路，衰過唔補。 因為如果唔補習，細路要靠自己做功課，交唔到學校老師會知道佢情況，再提供協助，多d留意佢。
入大班補習抄功課，學校老師平時收到正常功課係唔會留意到原來佢乜都唔識。 到測驗考試先發現已經太遲。
2個讚
其實私補一對一真是比較好，可以有位專屬的老師跟進小朋友的學習情況，一對一地輔導，效果多數比去補習社好，如果有意找私補老師，可PM我，有黃色補習中介推薦。
多謝分享～ 
其實如果覺得1：1貴，搵2-4個水平差不多的同學仔一齊去其中一個同學嘅屋企，請人上門補習，都可以分擔下補習費。
補習老師了解同學的進度同脾性，又可以做到同學之間討論、分享，補習老師收多咗錢又開心，通常都好俾心機教。
我以前都有咁夾份過，出屋企個同學夾補習費夾細份D，佢媽咪通常都喺到，間唔中有水果/下午茶食下。 
2個讚