係連登手袋台見到絲打傾邊間分店sa好
原來好多都遇過白鴿眼sa，俾人狗眼看人低
大家有冇呢啲經歷分享下？
我自己最多都係試過每拎完一樣野，佢即刻係我面前移返好，好似我整亂佢啲野咁
我都好憎咁樣…
有次試揹完手袋冇買，之後想睇銀包，我問SA想睇吓入面間隔係點，佢答「都係一般銀包間隔囉！」唔肯拎俾我睇
覺得我混吉廢事拎出嚟…其實只係喺面前嘅display櫃入面
大把呢啲白鴿眼sa, 好似我哋對手好污糟咁，一掂完佢即刻掃下啲嘢移返個位，有啲直頭當你透明，眼中只有佢嘅自由行，想話要試吓show 都唔show你，又唔答你，對住班自由行就成個熟煮樣，依家見佢地呻無生意我好心涼
1個讚
記得有次係網上睇中兩樣嘢，就落舖睇吓有冇貨，如果實物同想像中冇差距都一定會買
當日去到其實舖頭冇咩人，好多個SA都圍埋傾計
當時四圍望吓，之後見有個SA冇serve緊任何人，所以走去問佢可唔可以睇吓d accessories
佢本身已經目無表情咁拎畀我睇，我睇緊嘅時候亦望遠處唔係好想理我
咁冇我睇中個款，而其他款亦唔啱，諗住再問多句係咪冇個隻款，可能當時戴住口罩講得唔係好清楚，個SA係皺哂眉頭唔係好高興咁除低個ear set "吓"咗一下
之後我再講多次佢就話冇，但又問我仲有冇咩想睇，我就話SLG
之後去到另一個counter，佢就拎我想睇嘅item出嚟，之後又係望遠處
咁因為個item not exactly 係我想要個款，所以就放咗係counter上考慮緊要唔要好，點知個SA問都唔問我仲睇唔睇就一手掃走咗個item，之後就行開咗
响香港算好彩，只係有一次去harbour city間Tods
都唔係我買，係我長輩要買鞋我同佢去。但係啲SA當我哋透明，叫又唔應，又唔係多人，得幾個客。
好啦，長輩叫我問SA試鞋，終於有個經過。我好好禮貌問但佢塊面超黑，好晦氣叫我等，話佢好忙！
我哋當然冇買啦，聽到有個香港人話佢等咗好耐都未俾佢試。
有一次入Sogo Prada…想睇個袋送俾老公，果個SA直情唔想俾我睇，勁串，我即刻走左
唔睇清楚點買姐，佢地都奇奇怪怪
1個讚
哇你睇邊個牌子？完全唔想做你生意咁款
我反而係成日俾sa跟，行到邊跟到邊，但又唔係serve果隻
而家冇大陸人態度即刻好返好多
平時就當我地係草
2個讚
名牌真係冇試過, 去過burberry, chanel, prada呢d都係服務好好
但化妝品 / 細舖賣衫果d就間中都有衰既
我覺得細舖非連鎖既服務好多都係麻麻
以前從來唔敢入H和C,自從冇自由行之後先會去,去海尖沙咀H巡舖(白撞)和圓方C,SA都ok
有一次去某Tom Ford專櫃，想搵番我用開嘅唇膏，但搵唔到隻色，當時冇客，兩個男sales傾緊偈，佢勁唔想理我，又話冇出過果隻色，望住我就扮笑，擺明話我知佢扮緊笑果種，一擰轉頭就嘴妙妙，我一直都係好有禮貌咁問佢嘢架 
上年的起心肝想係香港有個 H SA，初初去咗中環 H 個 SA 面口好似我左住佢做生意， 搞到我差啲完全唔想係香港 H 買嘢。果時市開始淡都咁樣對本地客
其他 brand SA 係香港或外地對我都唔差 
2個讚
最極品可能係婚紗 sales 
跟過朋友去出哂名黑店，omg ，一唔落 deposit 即刻開門叫我地走
1個讚
其實都唔係牌子嘅問題，係個SA嘅問題
可能我打扮太頹，唔覺得我會買/買得起
其實我都好怕d SA跟住哂，所以佢唔sell我畀我自己靜靜咁睇我係好ok㗎
但佢去到語氣差/態度差就真係好滅火，講真我自己全程態度都好好
中環H 啲SA真係一半一半…
有次遇到個後生女SA好nice，我問有冇pm馬仔，佢check完話得mm…咁我話唔駛喇，佢都照攞出嚟話俾我睇吓鍾唔鍾意個色先
結果係我已經有嗰隻嘅pm
2個讚
我覺得最白鴿眼，係啲請埋晒mk妹mk仔以為自己好有寶，一入黎就scan勻晒你全身行頭個啲二三四線品牌，例如agnes b, salad, it, mac, boobi brown呢啲
1個讚
Agnes b 我投訴過1次。我 online 見件 plain t shirt 去 shop 度問，個𡃁妹攞左件差唔多呃我話一樣㗎。返屋企試同睇張單先知唔同款，我打去問佢先認 shop 冇我想要個款 
咁你最後有冇拎返去換呀？
我都投訴過一次，serve我個SA冇問題，但收錢果個senior塊面仲黑過我買個對boot，仲要單手遞部卡機俾我，個咀臉呢一世都記得！然後我打上去CS問你地xx店果個staff係咪死老豆 定係死老母，到最後個store manager打黎同我say sorry，我鬧左佢半個鐘！同埋佢啲鞋quality好差，著左2、3年都冇 個鞋踭底塊薄片已經甩左
冇呀，廢事去到又鏟過佢地。同HK store 原來 mark up 好多所以唔會再係度買