想請教一下大家有關初生BB嘅衫仔
我係新手媽媽預產期係7月尾8月頭
想問下應該準備長袖嘅衫仔定短袖俾BB？
有啲連身衫仔係全身長袖、有啲又淨係長手袖隻腳又唔包、有啲就手腳都短袖
搞到我好煩惱唔知應該點準備好
有啲人話BB出世一定要長䄂
但我BB喺最熱嘅夏天出世，係咪都係要全長袖呢？定可以短袖加包被仔？
坊間有好多衫仔
又和尚袍又蝴蝶衣又包屁衫應該揀邊隻好？
另外，準備衫仔又點預計BB嘅碼數？
50？60？
又唔知bb出世幾磅，真係唔識預買幾碼衫仔
新手媽媽希望大家指教下迷津，謝謝
可以準備d好薄身嘅衫仔for瞓覺著。
我覺得初生著短袖無問題啊。
最緊要唔好焗/熱親bb。
得閒check下bb背梅嘅溫度，
凍嘅就加衫，過熱就要除衫。
bb嘅手仔腳仔凍並唔代表佢個人真係凍。
有冇親友可以俾bb衫你呀？
其實呢…每個類型最好都有啲，50/60 碼都預備啲，bb返屋企頭一星期，可能你同佢都要摸索下點著最舒服。
包被要預備幾條，初生bb瞓覺時通常要包被包住瞓，而佢地又易嘔奶，最好有多幾條後備。
唔好只係凖備短袖衫，夏天好可能為咗bb舒服啲而長開冷氣㗎
個人覺得 uniqlo 啪鈕和尚袍最方便, 個啲用繩既試過俾老人家打左死結。。。。
我仔 newborn 果時有親戚話一定要同BB 著襪。。。 個仔熱到出汗。。。 又喊。。。 堅煩。。。 而家無人探仲好!
最好有朋友俾2手, 試過咩款啱BB 先叫屋企人幫手去買, 記住唔好買太多, 因為BB 真好快大!
最緊要買大少少，其實初生唔會帶佢點出街，大件左都著到係無咁好睇好過著唔落，同埋一定要買開胸款唔好咁快買過頭笠，佢軟淋淋怕著果時扭到佢啲手手或者大頭仔著同除會勁麻煩
初生一開始都係著和尚袍，褲都唔使住，
和尚袍最好係長袖啦，始終bb啱啱出世你未知佢適應咩溫度，bb凍都唔會比到signal你咖，熱就會出汗同扭。之後就可以買嗰啲連身袍，方便去健康院又遮到腳仔，又可以當外套咁披住
到咗個零兩個月就可以加褲仔著連身衣啦，我嗰陣買50同60多，包屁衣係cover埋pat pat嘅，我就唔太建議買，一大就好快唔啱著(不過唔介意嘅話都可以之後著褲當上衣嘅)
我女初生時(7月 b)，我媽俾分開2件頭(開胸長袖全棉啪鈕衫仔同橡筋褲頭褲仔阿b著，因為如果瀨濕時，最多濕條褲仔，上衫就唔洗除，唔怕冷親bb。初生b唔好買過頭泣衫仔，因為佢哋條頸未硬，而媽咪又係新手，所以真係唔好買。同埋如果要換片片，要用暖食水同bb抹pat pat, 咁bb就會覺得舒服啲，我唔喜歡用咩pat pat濕紙巾㗎，始終覺得有化學成分，出街我會帶思思樂嘅純水濕紙巾同bb抹pat pat，不過bb咁細，儘量唔好帶出街。而包被真係好睇個小朋友鐘唔鐘意被綁，我女剛回家都肯被綁，一到鬆綁時，即刻申手申腳，後尾見佢訓覺時係包被掙扎要申手出嚟，就知佢唔鐘意綁，之後係吉之島買啲背心型夾綿睡袍給她著，如果開冷氣，就蓋多張薄被仔就得啦！當然bb出汗就代表唔洗蓋咁多被，如上面所講，bb冷熱不一定是摸手仔，摸頸最正確。
60/70買定幾件就夠啦！bb長得好快， 啲衫仔好快唔啱著，而且到時bb出世後真係唔夠著，先叫家人去買的。講埋尿片， 我女個年代係嗰幾個出名牌子同日本片， 講真日本片係比那幾個出名牌子好，我女用大王同花王， 大王就大塊啲，適合有肉地pat pat，花王就細塊啲，但論吸水力及乾爽，花王比大王優勝。
5，60可以唔買，太細件，BB大得快，50碼著2星期唔岩
7，8月出世買和尚袍ok,不用著褲仔，方便換片，又不怕褲仔整到臍帶
其實7，8月在家也會開冷氣，可買長袖和尚袍
我都7月尾預產期
買一堆u記和尚袍，有長袖，短袖同背心
開頭唔著褲仔，怕整到肚臍
預咗一兩件連身衫，出院同去健康院著
今日見到旺角Primeval有機BB衫而家做緊買一送一，d料好正