睇到篇嘢幾有意思，轉過來畀大家睇下
從70年代開始，就有港產片走向世界，喺外國取景同取材
70年代有李小龍 1971年取景泰國嘅《唐山大兄》同 1972年取景意大利嘅《猛龍過江》
八九十年代既有講香港人喺外國大展拳脚嘅功夫喜劇，比如 1984年《最佳拍檔之女皇密令》和《快餐車》， 1987年《飛鷹計劃》， 1991年《縱橫四海》， 1995年《紅番區》， 1996年《警察故事4之簡單任務》， 1997年《一個好人》， 1998年《我是誰》；
又有講移民辛酸嘅劇情片，比如 講移民美國嘅 1985年《非法移民》，1987年《秋天的童話》，1989年《人在紐約》；
講移民加拿大嘅《四人新世界》《又見冤家》同《富貴逼人》
甚至去到非洲咁遠拍cult片，比如《非洲和尚》同《伊波拉病毒》
00年後久唔久都有一兩部，比如2001年《特務迷城》同《瘦身男女》， 2005年《喜马拉亚星》同《韓城攻略》，2009年《新宿事件》
近呢十年類似電影好似都唔見曬 
唔知大家點睇？
近呢十年類似電影唔係唔見咗，其中一個原因。
大家仲記唔記得，廿年前，盜版影片猖獗，
甚至乎帶埋攝錄機入戲院拍攝，
一百蚊幾隻盜版影碟，直接影響正常電影業收入，
無收入，要蝕本，
自然無投資者，無銀両，就無劇開，
後來有部份電影工作者返咗上大陸，
走吓多啲，走吓又多啲，
就成今日嘅景況⋯⋯
資本逐利爲上，既要賺大錢，又要賺快錢
特別呢十年，大陸二三綫城市開始發展，迫切需要電影等娛樂產品，觀衆素質又唔高，隨便拍部都交到功課
香港班老油條導演編劇抄返舊橋，再用幾個老明星，就足以盆滿缽滿，邊度會再去出外國取景
以前唔少港產片都係放眼全球市場同歐美片競爭，而家就淨係同大陸片競爭，重要規避政治審查，質素必然下降
85後都未聽過邊個特別出名
一個人點撐得起成個電影界？
d叻人都走晒啦
六七十年代出世嘅明星基本上都係香港出世，但唔少都無點讀書
按道理講，八九十年代嘅人比上一代接受更好嘅教育，應該叻過上一代人
會唔會讀過大學就唔會考慮做藝人？
新年片真係慘不忍睹
不過之前 掃毒果類都算大陣象d (故事就另計)
而家好多藝人都唔係學歷低
古天樂做緊
新宿事件其實就如香港，從默默無聞到稱霸一方，最後因為墮落而失敗收場，淪為笑話，唔會再有人記得。
成龍最後死去的畫面係連條屍都係下水道沖走埋，黯然離埸，或者好多香港人的下場未必好過呢個角色幾多。
一個時代的沒落…
呢個比喻夠絕望，而家香港電影已經行緊呢條路
至於香港，可能重有浴火重生之日
肯投資嘅都係警察系列，其他題材冇乜投資者肯做；當sale到係大陸公司，就要迎合大陸口味而改劇本轉角色。
仲有迎合香港人口味而做低質電影，家有囍事不斷loop極都仲有人睇。。。。
稍有深度嘅電影，好似翠絲咁，有幾多會睇故事？我聽得最多就係批評黑仔好醜。。。
好現實講，sale唔到老闆科水，幾好嘅提材都冇用，好在仲有古天樂肯無底深潭咁出錢又出力。
一切都係錢作怪。
其實而家重有幾多人會去買菲睇港產片？ 
我估之後應該都無乜人去睇警匪片，除非個結局係警察被全殲 
應該俾鄰國搶左好多資金
而家好多時候香港電影都迫住低成本製作…
合拍片有大陸市場，本土就無市場，所以有錢佬唔會投資
我身邊基本上冇人入場睇。
推介佢哋睇翠絲，話男人老狗扮女人有乜好睇，上大陸網睇唔洗錢。。。。
警察系列，一直都唔係我首選，反正電視會播，不如留錢睇我想睇嘅戲。
香港人嘅口味就係咁餵到差晒，自己搞死咗個市場。
所以真係共業來，以前睇住全球市場，而家就淨係識大陸市場