應該過多三兩多年會移民去英國，
香港物業應該放租定賣？定系轉名俾在港的6299打理好(佢得c6一粒仔)？
香港供緊既保險(人壽危疾醫療)會繼續供嗎？
仲有咩可以係香港先準備和處理？
1個讚
物業放租定賣好睇自己家庭經濟情況點。。。 放租要擔心維修, 租約既問題, 要麻煩親戚幫手, 或者自己定期1, 2 年返一次? 呢樣要同老公慢慢傾
保險我cut 左medical, accidents, 住院現金果啲, 人壽有keep
開定海外銀行互口
攞MPF 啲錢
清稅
準備定自己medical record
搵搬屋公司格價
準備寵物移民
可以提早去搵定屋就最好啦。。。
以上既野我走之前只做2, 3 樣。。。 好多時唔係香港都搞到, 唔好有太大壓力
1個讚
Thanks!!你移民左去邊呀？
其實最困擾係層樓，未供完，應該唔會賣，放租，不過自己未試過放租單位，得老爺奶奶可以幫手，但又怕租客麻煩的話老人家就慘。
仲有小朋友返學，仲硏究緊點涵接最去，過到去有地址先可以報學校,唔知會唔會有一段時間冇得返學，要再explore先。
有能力就唔會賣樓，起碼短期內樓價唔會跌，放租又有被動收入
至於其他野我都唔清楚
1個讚
我舊年暑假移，層樓想賣，但市道麻麻，又唔想賤賣，於是租左出去，是但啦，留住層樓都唔係唔好嘅，將來細路大左，我哋可能一年都有一段時間住下香港，有層樓有個落腳嘅地方
保險同 MPF 我都冇郁到，我嘅醫療保係全球嘅，有諗過將來可能會到處旅居，呢份保險會用得著，危疾同人壽冇地域限制，留返都無妨，MPF 雞碎咁多，由得佢了，費事搞
樓上話提早過去搵定屋，呢樣如果做得到真係好好多，我哋早兩年已經喺呢邊買定屋買定車，之前每年暑假會過來住，有時間慢慢 set up 間屋，到真係搬過來時，間屋已經 up and running，帶隨身行李就可以生活了，其他雜物慢慢先運過來都唔遲
其他嘅，可以開定銀行戶口，HSBC 可以開定外國戶口，直接從你香港戶口轉錢過去，你去到就有錢用；去到英國需要揸車嗎？有可能呢三兩年過去考定車牌嗎？
有小朋友嗎？如果有，要否睇定學校？
1個讚
請問有無移民歐洲搬運公司推介？Thanks
1個讚
我係移去北美的，搬運公司嘅服務只係一般，唔介紹了。抱歉