尋晚驗孕有左，之後我應該要點做 & 想知我要諗定咩？
係咪要去普選診所驗孕拎證明再去健康院檢查？
我見啲人話要搵醫生做產檢， 醫院/健康院無得做架？
同埋又話好早揀好邊間醫院生？
其實成個程序係點架
1個讚
去家庭醫生或有驗孕服務嘅普通診所攞證明就可以，醫生會教你之後點做㗎喇。
首先搵普通診所出懷孕證明。準備定上一次m 到嘅日子，for 計預產期嘅。
然後去政府醫院登記，我記得準備既野有：
身份證
老公身份證副本
懷孕證明
住址證明
唔記得洗唔洗結婚證書…
啲醫院婦產科新症好似有指定登記時間ga，你google下 （溫馨提示：避免入亡國d link 
）
政府醫院跟住會book 個期比你，第一次睇之後，如果冇乜特別就會轉介健康院，咁一般定期檢查就會去健康院，except 度頸皮阿，照結構阿之類，呢啲就喺返醫院。
呢兩樣野係要盡快做嘅。
政府醫院有基本檢查，但係大部分人都定期去私家照超聲波，會安心啲。
私家醫院唔洗咁早book，係政府醫院要盡快排隊。
冇需結婚證明㗎
可以Download預約通Book醫院
但都要齊資料，資料唔齊最後都要親身去…
1個讚
而家仲可以做嘅就係搵陪月(如你有需要)
好多搶手嘅陪月都要好早book定…而家搵得嚟差唔多~
仲有就係去睇政府醫院時早d問定有冇包照結構，冇嘅話都要預早約私家，有d出名嘅都會好full
度頸皮係11-14週做，照結構係要夠20-22週先做既唔使心急，BB穩陣左先book私家醫院都仲得
心急想知BB性別同有準確知道有無唐氏或其他DNA問題可以響10週左右搵私家抽血做T21
政府醫院多數都唔照結構（佢地係覺得你高危/高齡/高風險先會俾期你照），同埋健康院一般產檢覆診日好疏，所以一般都會搵私家婦產科每月一次例檢安心啲～
我係咁既—
- 首先人手計下依家week 幾（上次m 到依家幾耐）
- 然後去book 私家產檢，私家如果第一次去係已經week6-8 應該可以聽到bb 心跳
咁就恭喜你
你成功有左bb - 私家會開張壞孕証明/ 預產期紙俾你
- 拎住嗰張証明，帶埋住址証明，去公立醫院婦產科登記新症
- 公立醫院會俾d 覆診紙同埋指示你打電話去健康院book 產檢
- 跟住之後就私家+健康院兩邊覆診。因為健康院好耐先覆一次，所以我會去私家keep check 住bb 狀況
- 唔洗禁快揀定公院定私院生，放心
P.S. 三個月内阿B 都唔係好穩定，我會等12Week 先同朋友講有左，唔關迷唔迷信事嘅。（我個時week 10-11試過流啡⋯⋯都幾驚
）都可以搵定陪月！因為資深個d好快俾人book 晒 
多謝咁多位覆我