我個囡囡18年六月出世,就兩歲
嚟緊九月本身報左會讀N班
但而家疫情咁
十五十六緊繼唔繼續俾佢讀好
呢幾日收到幼稚園嘅資料要決定去唔去注冊
睇到佢寫話成個學期都會戴口罩
另外我諗本身N 班係俾小朋友學下點同人相處
但而家戴住口罩,又要保持社交距離
咁其實係咪同要讀N 班嘅理由相抵觸?
定係我低估左N 班嘅用處?
有冇相同問題嘅朋友講下?
1個讚
我小朋友都係九月n, 我俾佢讀N 係想佢離開下我地，因為佢太痴身，同埋想佢學下規矩，咁我覺得返學先做到，加上佢學校一般可以直升K1, 所以我應該會照讀，戴口罩就當俾佢地適應下，其實未有肺炎之前，都有甲流之類，我大嗰個有啲同學都係keep 住戴。
離九月仲有一段時間，我係照交左錢先，之後真係疫情嚴重，再睇下點做。
仲有另一個問題
會唔會因為武肺好多人本身報左名
但決定唔俾佢讀
然後果班N班人應該會少左好多?
Or 幼稚園因為冇錢已經cut 左人手or 教學資源咁?
我都係旨在俾佢識下朋友,早啲接觸人
可能學你咁,俾左一個月錢先,當留位費
不過幾千蚊都幾難話唔要就唔要
我小朋友嗰間應該就唔會，因為我估都有部分人係為左上k, 咁就點都會讀。
但如果本身係細校，或者基層學生多，可能失業影響收入，就會有影響。
如果本身間幼稚園K 有政府資助都唔駛太擔心會cut 人，因為政府keep 住有資助，相對學校經濟壓力應該細啲。
1個讚
你嗰間要而家即刻俾？因為我嗰間係八月先過數
今個星期要決定注唔注冊好似
寄左成堆嘢,應該都係俾埋錢
btw,多謝意見 今晚傾傾先
我小朋友都係9月番N。要宜家都仲1516，擔心疫情問題。1月已經比左註冊費，學校應該5-6月就叫訂校服，我諗住見步行步，因為K1應該唔係呢間N 讀
我照比留位費
因為我間n係直上k
所以一定會讀 可能唔返咁密 