放完產假 奶量急跌,返工時泵兩次 都唔夠佢食…所以諗緊一日比4餐人奶 1餐奶粉佢,真心想知道其實全人奶比起半人奶 有咩好處?補奶粉除左話會影響人奶奶量之外,對bb營養方面其實又有咩影響?
唔洗比咁大壓力自己,有人奶比佢,已經比到免疫力阿B。
唔夠就補奶粉,最緊要阿B肯飲奶粉。
我仔飲慣人奶,比奶粉佢飲會嘔,之後唔肯飲,先逼住要追奶比佢
俾身體適應吓先,始終返咗工,作息唔同,又有壓力
有research係講奶粉對消化系統唔好,要長時間先可以修復
不過馬死落地行,你壓力越大,奶量會越少,如果咁令你有壓力,咁就試吓用奶粉啦
如果捱到就試吓半夜泵奶啦,但如果會令你太攰,就唔好喇
同埋四個月咁上下就可以食糊仔架喇,到時佢又有機會食少D
我大女嗰時都係,個個都讚佢識貨
但媽媽就表示
我自己有飲下奶粉同人奶比較,咁人奶又真係好飲啲嘅
你唔好亂教人喎
以前d人因為想慳奶粉錢/窮先會咁早加固
今時今日健康院全部係話6個月先加固
6個月前bb一定係全部飲奶,水都唔飲得
我大女而家8歲,仲係話緊人奶係天下最好味既嘢
成日同細佬爭奶食
健康院而家係咁講架,醫院都係咁教
早幾年我大女嗰時係6個月,都係好你咁講,而家係話四個月可以試喇
你打去健康院問啦
大女果然好識貨
媽媽繼續表示
4個月坐到嗎?
加固起碼要bb自己坐到
其實我都冇比太大壓力自己架喇…我覺得一日有4餐人奶 都算唔太差啦 只係真係好奇想知 對個b嚟講 比起食全人奶會有咩唔好…
你個女真識食 希望我個仔唔好咁揀擇 等我唔使咁辛苦
哦 原來係對消化系統唔好…
我都有試過半夜泵,但晚晚咁搞 返工真係好冇精神…難得個仔算係戒左夜奶…同埋我半夜都唔係泵得特別多,而家我朝早埋完身再泵清,同之前半夜起身泵嗰次 都只係差3,40ml…咁我就唔想太辛苦lu…
原來4-6個月可以加固這樣嘢係近年㗎咋?
唔怪得我奶奶係咁叫我6個月先比佢食。(不過我冇聽)
我都有聽聞d bb 4個月時去健康院覆診 d姑娘會評估下個b適唔適合開始試加固,可能個個姑娘講嘅嘢唔一樣? 搞到我都有d期待呀仔4個月時去健康院
有機會
老一輩可能係4M
後生嗰d可能係6M
但應該要BB自己可以坐好先可以加固
其實我細仔都係6個月先加,但去到健康院同返醫院覆診,姑娘同醫生就問我加咗未,我仲問佢唔係6個月咩?佢同我講4個月就得喇
其實而家D加固group,多數都係講四個月,我唔得閒睇啫。咁我又算夠奶佢食。
所以如果太辛苦,就要取捨下
休息唔夠奶量都會跌
所以搵個你最舒服既方法去處理啦
如果半夜起身泵都冇分別,即係其實你本身都夠bb 食喇! 所以我係你都會順其自然!,寧願瞓多啲。(利申:唔夠瞓會發脾氣)
聽聞奶粉都係嗰刻消化問題,熱氣之類,咁營養吸收同母乳係冇得比,但係未至於有負面影響掛
多謝你 我而家心態都係餵得幾多得幾多,唔夠就補奶粉,反而係希望可以盡量餵得耐d,keep住每日有幾餐人奶 都算keep住有抗體比佢呱