我仔22個月，仲講好多bb話，自己玩會自己一路講BB話，教佢講又唔一定跟住講。但係試過我食緊朱古力，佢好想食，我要佢講朱古力，佢竟然講到，薯條又係，佢都講到。但平時叫佢講，佢唔會理我。18個月時佢講到去街街，依家又冇講過，好多字都係一時識左，係咁講，過一排又唔講。點解會咁？ 
同埋以前佢冇咁怕羞，依家佢好驚人哋注意力集中喺晒佢度，如果一班人企喺到望住佢，同佢玩，佢會係咁拉我走，佢鐘意同小朋友玩，街見到有小朋友都會走埋去，同大人交流佢就好怕羞。係咪接近兩歲都係咁？
兩歲來說，講野係咁上下，會有一刻佢突然講好多，現在最緊要是明白，佢要明白你的指示，就不用担心。
希望係冇問題，我好擔心
成日係咁同佢講嘢，佢又唔係次次跟我講
未兩歲, 係咁上下
我個B 兩歲頭幾個月仲係好多BB話
兩歲半之後先好啲
同埋突然發現只要有嘢食, 乜鬼都識講
唔駛擔心，正常到不得了～兩歲後會突然間開始係咁講野講唔停… 怕陌生人都好正常，起碼3-4歲先會好d~現階段多d同佢講野，見到陌生人怕醜就由佢比多d安全感佢。
我果個都係怕羞佐。不過唔緊要啦。知佢明白我地講乜野。
原來都係正常，咁都放心啲。
咁大家覺得點讀筆有冇幫助講嘢？
小朋友覺得有壓力，又會唔願意講。父母、照顧者輕鬆點，同佢講返正常小朋友對話，冇需刻意講bb話，平時同佢唱多點兒歌。正常情況下，小朋友開心，同佢傾計多，好快講嘢會講得好。
我覺得你小朋友已經識講不過唔想講/唔鍾意講
有性格，或者帶佢上下playgroup/比兒科醫生跟下兒童發展情況。
可能佢都係怕醜姐，擔心既話咪帶佢比兒科醫生check下