又到左學校收插班生既季節…
小朋友依家讀私小。今年小三，係學校成績都可以（全級頭十名），所以想比佢試下其他有中學部既學校，希望小六多d保障唔洗煩。佢都好似唔太抗拒轉校既…試下都應該無壞掛…我見大部分學校都係先考筆試…
有無家長插班成功可以分享下經驗？有無咩心得？ 
其實我覺得最緊要佢小朋友接受到。
但又咁講，小朋友讀得唔差，咁又唔洗太擔心既
1個讚
我當年都係由私小轉龍校, 主力都係睇支筆, 筆試成百人考, 過左再面試(考中英普), 之後再面試家長
我覺得係要成個家庭共同努力, 面試見家長果part 其實都好決定性
1個讚
心得就係：支筆一定要得，英文最好高一級，面試講野唔好急。
第一輪 10 間 9 間都係筆試，第二輪見家長+小朋友，請家長自己多啲爬文研究，tip 題估下校長會問咩，亦準備下啲題目比小朋友，如果要見埋爸爸就 make sure C6 唔好亂講野，全家三個夾定口供一致先好出門。
3個讚
多謝你地意見，我無特別谷，睇黎都未必得 
好笑。我家嗰個又係會亂講。幸好幼稚園已衰過所以小一有備而戰。
佢有冇能力讀到先，通常直上既都比較難入
你住果區？
想報既龍校都係附近，check過有校車。我都擔心佢能力未到，考完筆試過佢唔得會好傷佢自尊心。但我其實唔知程度可以差幾遠，只係知依家間學校無教快，無谷既情況下考全級十名內，想睇下可唔可以再進一步…
同小朋友講、去考插班志在試下、盡力便可、不收不代表差、比正面思考小朋友。因為去到小六自行津校及直資都有面試、遲早都要面對競爭。
1個讚
同小朋友講插班都有好多因素影響，盡力無悔就得，唔得都冇辦法，其他申請人更叻/有特別技能校長好鍾意。
呢啲遲啲升中，自行、直資落空都要面對。多歷練下，對以後品格培養都有好處。你入私小都係考過先入到，亦一定有其他學校冇出 offer 俾你。
唔知你係由邊間打算報邊間，但冇教快嘅冇中學私立小真係唔多，而你想入嘅龍校都對學術有要求 (尤其英文)。嗰陣我幫人女女插班，佢報 7 間插班，2 間表示冇位，1 間冇回音，1 間衰父母環節 (阿女好唔開心)，1 間係筆試太難佢學校冇教深所以佢搞唔掂，最後 2 間成功 (1 英小 1 中小，兩間都有中學部)。嗰陣因為要 in 英小，英文同數學都額外加操，操高起碼 1 級先敢去報。
第二年諗住插神龍，結果筆試衰左，太多太難唔識做，Round 1 止步。阿女都冇野，有少少唔開心咁，但好快忘記。
1個讚
樓主唔需要太擔心喎 ,試左先無壞, 插班成功反而對小朋友係大轉變, 唔成功係原狀之嘛
1個讚
都係！多謝你！
多謝你意見，你講得好仔細呀！我都準備緊，想請問學校無講唔收profolio係咪都應該照交呢？ 
係！決定點都試下！多謝你！