仔黎 連媽媽都未識叫 淨係識嗌 其實正唔正常？
講野事少
但歲半都未識行。。。係點樣未識。。。扶住拖住行得唔得
每個小朋友都唔同，返健康院有評估會跟進下，男仔一般係慢D。你有冇多D同佢講嘢，咩都可以講，係BB面前講嘢口形可以誇張D。行路就要多啲鼓勵同佢多啲練習。我小朋友都要14-15個月左右先識行，講嘢就15-16個月講簡單疊字。媽媽加油
歲半唔識講問題不大
唔識行問題大些
找家庭醫生看下
扶住野都行到 一放手就坐係地下
其實唔係我個仔黎 係我外甥仔 佢已經好高大下 我出街見啲好細粒既都識行識走 所以有啲擔心上黎問下
1個讚
我仔一歲半時唔識講野，周圍既人出於好心，都會同你講無野，母嬰健康中心又話無野，結果到3歲先發現有自閉。
治療機構話，母嬰健康院咩都話無野，唔好信。
母嬰健康院有什麼說法？
一歲時應去左一次，有事要關注就歲半要去多次！
唔講野，唔緊耍。但有冇同別人溝通？明白指令嗎？有冇眼望人？會和别人玩嗎？
唔識行就特別D，要關注下。
係 而家好多小朋友都有自閉 母嬰健康院個啲好求其 係咪都話冇事
會望人 都明白指令既
冇同人玩呀 因為疫情佢都冇乜點出過街
我地會同佢玩下玩具咁 但佢都唔識玩 淨係掉走晒啲玩具
仲有樣好好笑 屋企有個波波池 想抱佢入去玩佢會好驚 唔敢入去 死都要出返黎 我覺得佢天生比較細膽 我姐夫個樣比較嚴肅同埋好小機會會見到 佢一見到我姐夫就嚇到縮埋一舊
我都認為唔識行嘅問題大d
要迫佢講野，唔好聽人講咩無問題呀，大D無事呀。
1歲半時，我迫佢講「俾」字，唔講唔俾玩具。佢喊到嘔出黎，都要堅持下去，搞左半小時至一小時 佢終於講個「俾」字。
不斷要佢講個俾字，熟左後，就再加其他字。
而家唔教，將來佢同你都會更加辛苦。
1個讚
有無試過單手拖佢行？
1.行路情況來說算慢，雖然話因人而異，但這屬於天生能力範圍，要留意除走路外，大小肌肉的發展。
2.說話情況不理想，則檢視一下飲食習慣、與小朋友的相處習慣等情況。
3.建議多留意小朋友發展，先就走路問題看一看醫生。健康院是提供很基本的服務而已。
呢樣都要小心,可能佢對唔同觸感係高敏，其實都係一啲症狀，都係建議去睇下醫生
好似我仔細個果時…佢14個月頭先「敢」企，企唔耐…屋企有個草地花園仔，係完全唔可以掂地…去海灘都係（玩耐左又ok)
咁岩14/15個月帶仔返香港…見多左人，就咁拖住行下跌下…一個月後返黎就可以自己行，跟手跑埋
有時怕觸摸係一個index…但比啲時間，比啲耐性，佢喊佢怕唔駛即時抱走，試下玩分心，同佢講多啲野表演得好開心，每次拖長小小時間，慢慢會好…當然，佢真係怕到好厲害就要抱走
歲半未識叫媽媽確係遲，有冇返健康院Check ? 我聽過要媽媽push先肯寫紙轉介因為唔想你用政府資源
歲半未行都係遲，正常健康院幫你跟發展遲緩，要被佢行多啲，唔好成日抱，佢跌要自己起身讚佢。我有朋友bb細我仔幾個月，我仔已經跑緊步佢仲未行到，因為全家人都鍾意抱住佢，我仔講緊句子佢仲講單字，係發展遲緩又唔正視
我女果時都係歲半先識行, 之前都有D擔心, 但睇得出佢係因為信心唔夠, 而唔係能力有問題, 所以都順其自然。如果樓主覺得小朋友係能力有問題就當然快D睇醫生啦
1個讚
X2 我女細個嗰陣乜都慢，我有問醫生，佢話過18個月都唔得可以再研究下。
後來發現佢係好怕跌，性格嚟，後來克服左，叫佢跑慢啲都難。
試吓同佢去多軟墊嘅地方同佢玩放手行，最好有野係前面碌住行。我帶個仔去左次康文署果啲室內遊樂場玩之後學行順利好多啦⋯⋯