我一向支持抗爭運動，在商場裏高歌也曾試過，我很欣賞年青人那一分熱血與勇氣，在唱願榮光歸香港的時候我感到有一分對香港的歸屬感，這場運動凝聚了許多香港人(包括我自己)，我在這場抗爭運動才找到對香港的歸屬感，我很感動。
我不會反對以激進的方式抗爭，我在此只是想提醒一下各位手足。裝修藍、紅店舖、與藍絲發生衝突只會引來POPO入商場拘捕清場，佢地還賺了OT錢，不但送頭還對POPO有利，相信大家也不希望以上的事情發生，我不是反對裝修，我只是希望各位手足考慮一下有沒有裝修的必要呢？
15個讚
明白你既諗法亦認同唔想再有人被捕，不過兄弟爬山，尊重佢地，亦體諒點解佢地咁做，事實上之前無人攪事黑警都以限聚令做藉口入商場拉人，黃絲店舖都俾人攪而投訴無門，如果香港仲有公義根本唔會有裝修
27個讚
裝修爆幾千蚊，但要坐幾年唔抵，果幾年可以做到好多野去幫到光復香港
5個讚
依家唔同上年了。
堆垃圾出手越來越狠。又扮市民。
新鴻基畀佢哋自出自入，做到落閘就到目標。
4個讚
根本明顯而家好多所謂裝修都係有人扮想引蛇出洞
5個讚
但而家和你sing都有問題。。。。
其實坦白講好多裝修唔系真係手足做。我之前識個friend 做黨鐵， 佢話之前黨鐵咪比人裝修。佢話個排有時會叫佢地早d 走，之後封站，第二日番到來d 野爛哂。個站都封左，d 人都入唔到去。咁你都估到邊個做。目的就係要分化。
22個讚
之前觀塘站都畀人影到, 唔係手足做
11個讚
我信架。但可以點。。。佢地根本同黑社會完完全全無分別
3個讚
黎明前一刻最黑暗， d 部應開始來緊。支共開始失去對香港既控制。我明白可能大家都有負擔，根本黃色經濟圈係一個低成本收支共皮既大絕，如果你有無力感，請盡量幫襯黃店。
5個讚
同意，付出和回報相差太遠。
2個讚
和你sing商場落閘好走
最緊要手足安全而退!
3個讚
Be water!
1個讚
Be water!
吾好放棄, 吾好灰心, 吾好送頭, 堅持住!
2個讚
有無手足做最終都要找借口去弄/濫權!由上年至今誰是最大得益者?
1個讚
同意，我唔想見到被破壞、有人受傷、被拘捕。
正如好多JM講到，實在係有人連「和理非」都容不下，混入人群當中，有心攪事，就可以名正言順地作出拘捕。
咁係咪要繼續呢種方式，對犧牲更多年輕人的做法，視而不見呢？
1個讚
同意，手足要be water, 唔值得為呢個垃圾正苦犧牲！
肺炎呢劑嘢，到底係唔係天意？
早已已偏離be water初心 對手太強勢太奸狡 唔變陣而沉醉於勇武只係4路一條
其實我覺得疫情失控都係上天安排，天兵殺到…
1個讚