已經係幾年前了，依家終於搵到合適的平台紀錄下來了
4年前生大女，一心打算順產，喺預產前幾日瞓到一半，突然覺得undee少少濕，懷疑自己滲羊水，食左個麵就拿拿臨去醫院了
去到見姑娘，做左一輪檢查，證實真係滲羊水，由於中左b鏈的關係，醫生安排我催生，於是喺唔肚餓的情況下隊曬成碗飯（好彩有呢碗飯咋），就去左待產室準備催生
催生頭兩個鐘，係零反應的，只有少少陰陰地痛，姑娘話咁我幫你人手穿水啦，會開得快啲，做完人手穿水姑娘話你無咩做就un下波啦，一路un一路feel到陣痛啦，但都忍受到的
然後過左幾個鐘，姑娘睇睇話仲未開到度數，幫我人手穿多次水（我其實唔明點解會穿2次，邊有咁多羊水），然後再幫我加大藥的份量
終於有痛感了，又去un波，越un越痛，搵左姑娘俾笑氣我聞，聞到天旋地轉，迷迷糊糊，只堅定一個信念，就嚟見到bb了，就咁過左漫長的一夜
到第二日，醫生嚟睇，睇完後同我講
只。開。得。一。度！！！！！
但由於滲羊水已經超過24小時，所以要安排我緊急開刀，我只好用插左豆的手震騰騰地簽左手術同意書，一簽好，四方八面即刻湧出幾個護士幫我做準備功夫
我問姑娘，老公喺唔喺出面，可唔可以幫我通知佢，姑娘好好，叫左老公入嚟拖住我，見到老公，忍唔住喊起上嚟，捱左一晚都無喊過，但搞左成晚都開唔到度數，好唔甘心，但為左bb的健康著想，點都係捱一刀
老公拖住我推去手術室門口，但因為緊急開刀所以唔可以陪產，入到手術室已經有好多醫護人員做緊準備，而我亦緊張了，經過麻醉和肚皮的拉扯感覺，終於聽到個女響亮的喊聲
完成手術，就去左復蘇室休息，之後再送上病房，然後開始了五日四夜的地獄住院生涯……
11個讚
我都係催生，但係我催生已經係產房，一路吊著催生藥，沒得un ball的。。又係過咗1，2個鐘再人手穿水，不過我好彩，我過多2，3個鐘就生得。
住院五日四夜的地獄生涯，完全係畢生難忘
去到產後房，好好彩分配到最角落有窗的病床，bb去左沖涼，我稍作休息，然後bb塞返俾我，就開始噩夢
喊！喊！喊！！！！
無日無夜，聲嘶力竭地大喊！！
抱又喊唔抱就爆喊，食飽就喊，喊到攰就瞓一陣，瞓醒又繼續喊
喊到係我入去洗手間唔夠5分鐘，已經有姑娘走入嚟問「XX號床媽媽你喺唔喺度？你bb喊得好緊要」
喊到係半夜有姑娘會忍不住走入嚟「媽媽我幫你湊兩個鐘，佢要食奶我再俾返你」
由於緊急開刀的關係，生完第二日的下午我先有得食粥水，到第三日先有粥食，根本上唔到奶（不過所有姑娘/姨姨好好，不停鼓勵我，教我，甚至半夜入嚟幫我按胸通乳腺），bb無安全感又唔夠飽，所以喊得好緊要，我無野落肚，無得瞓，睇住佢喊，好心痛好無助，仲要加埋長老的說話，我抱住bb一齊喊喊到眼矇
到第四日，我食得飯又上左少少奶，bb先喊得少左，但又有另一個問題，跌磅嚴重！！！醫生話bb跌磅跌得太犀利，要我留多晚院，加上帶唔夠物資，連電話都得返4%電（我聰明的夫君錯手拎左個無電的尿袋），我情緒超低落，好彩剛好母乳姑娘巡房入嚟安慰我
直到捱到第五日下午，醫生批准我出院，我開心到手都震埋，終於可以離開呢個地獄（雖然出院後又係另一個地獄，哈哈哈）
1個讚
其實我更加佩服順產媽媽
我第二胎做了逃兵，直接預約開刀算
我癲到望住隔離床嗰一大包濕紙巾，盤算住點樣開口問人地借
最後救星婆婆送物資嚟先定啲
但電話都係等到出院返到屋企先有得叉電
當時係得返1%！！！
果然 10 個 C6 9 個豬隊友 
咁大壓力又攰，電話仲要冇電我諗我會痴線。
我都係食全餐
由於bb偏大 dd早兩日催生
一穿水 即啪兩條蕉一包朱奶（好緊要！真係唔餓都要食野）
痛足全日
捱到夜晚等兩個鐘check一次度數都攞命
最後連check兩次都係6度
心灰意冷 直頭想求姑娘俾我開刀
但亦都因為穿水太耐
要安排緊急開刀
手術房好凍
打麻醉針後身體不由自主狂震
好恐怖
以為自己有咩問題
姑娘話係咁的
手術大概15-20min已經完成
BB出世啦！
生完會問自己點解唔一早揀開刀…
mmvmv
19
我落左兩粒催生藥先得兩度，最後全餐。不過我有波un，生完仲主動夜晚幫我湊B.
我兩次開刀都無震（可能因為俾左張暖毯我）
只係去到recovery room，動彈不得的時候，我個女唔知點樣典到上我膊頭，要叫姑娘救命
打快啲
依家睇返覺得文字係不能夠完全形容