今日老公拎左部新ipad出去買機殼+貼mon貼，
佢拎返家後，我用消毒紙巾抹部ipad，
發現部機側邊睇 微微彎左， 拱起左，側邊花左，
我問老公有冇睇住人地貼部機？花左的位置好似俾人撬開咁的痕跡！
我老公拎起來睇，發脾氣咁講話一定係頭先貼mon貼條友整跌左落地！
唔怪之得 聽到有野跌落地的聲，仲要係3聲！以為係跌佢地自己d貨落地，點知原來係我地自己呢一部機！
我問佢：你冇睇住人地貼mon貼架咩？
我平時實望住人地點貼架！
佢話 當時放低部ipad俾店員貼mon貼，
佢自己就睇緊機殼款 whatsapp緊 問我要咩色！
：唔怪之得佢咁好死話，不如幫我套埋個殼啦！用個機殼套住，等我見唔到側邊花左&拱起的位！
部機彎到咁，裡面d零件電池都實彎晒，都唔知會唔會爆炸架！
唉，你book時間約去apple到檢查部機有冇問題啦！
唉…部機新買幾日炸，用都未用過，又要用多幾千蚊去換過部新機啦！
為左幫你貼張mon貼，搞到咁就冇左幾千蚊啦！貼乜鬼野貼吖！？又要買個殼先肯用！爛左咪到時再買過部新的囉！
我話：你都走左啦，冇得追究ga la！
你炆自己又發我地脾氣做咩啫！？
你要發的 就打電話去鬧返果個店員啦！
：打電話鬧佢有咩用呀？
關你咩事呀？你係雞咩？潑婦罵街咁！
我：但你依加鬧我wor，你應該鬧的係個店員而唔係我囉！
重複說話，大聲鬧小朋友，怪我，發脾氣落我地到！
我冇再理佢！