原來DSE有呢啲科目，大開眼界。
係應用學習科目，除左整餅，仲有好多唔同種類架，不過唔係間間學校都會比學生揀。
多唔多人考呢科?
好想試下讀，好有趣
唔多，得7%人到考。如我所說，不是間間學校都會比學生讀。
可以自修嗎？
好似呢一科要同職業局合作同需要實習時數，就應該冇得隨便自修，而且大部份「讀書」學校唔會提供（即係 Band 1 同好多 Band 2 都唔會有。）
VTC、毅進有得讀。
主流中學嘅話：保良局李城璧、天主教普照、潮州會館、香港布廠商會朱石麟、救世軍卜維廉、中華聖潔會靈風、迦密聖道、路德會呂明才、李惠利、佛教沈香林紀念、基督教聖約教會堅樂、九龍三育等。
特殊學校有明愛培立。
應該一共 159 間中學有提供呢一科，全香港有 439 間中學考 DSE。
不過考完之後班學生最多咪又係跟師傅，從頭學過啲行內用字。啲專業名詞係畀啲中層、高層 present、科研用。
聽落似讀完用嚟 certified …
唔實用。
d問題連大師傅都唔識答，睇唔到個課程有幾實用
烹飪唔洗識做卷，煮到好食先最實際
唔可以自修，因為不同科目由不同外間院校開辦的。我唔會話完全唔實用，因為筆試只是其中一部份，課程内容有好多實習動手的内容。 如果同學對一般學術科目不感興趣，又唔太叻（有人唔鍾意一樣可以讀得來，有d人就未必可以），讀應用學習其實都唔差，可以試下不同的科目，睇下會唔會係自己將來發展的方向。佢暫時唔太好的地方就係最高分只可以拎到DSE 4。
之後再去國際廚藝學院讀都唔錯㗎，呢D「職業先修」類嘅科其實好啱一D讀書唔叻嘅細路讀
由於呢一科通常係 Band 3 學校開辦，學生本身未必係讀書材料，要考到 3322 已經非常艱難，能考到3、4 都已經非常好，仲可以入讀廚藝學院。就算考唔到 3 以上，都叫做有實習，學左一門手藝徬身，去學廚做徒弟甚至開店上手都快啲，反正做餅呢啲讀幾多書都冇用，經驗最實際。