呢一年嘅香港，相信令好多couple都認真諗緊呢個問題。自己本身好鍾意小朋友，但依家嘅環境真係令我覺得生仔變成一件好大壓力同有罪惡感嘅事。
如果要生，係咪要計劃好哂/諗好哂全家後路，例如計好數有能力移民，或至少可以送佢出國讀書先好生？假設知道自己無能力做到以上，就唔應該考慮生小朋友？定有理無理都生咗先唔好令自己後悔？
眼見好多人都繼續生，係因為都做好準備？定只係見步行步？ 
2個讚
我哋係有能力，但嗰陣無諗咁多野就生左，又無話後悔，因為有左小朋友，先開始覺得家庭完整⋯
生唔生自己決定，最緊要唔好後悔
7個讚
我完全明，原本都想…
冇能力離開就吾好生
本身想生，
亦都差不多時間，
但呢1年心情都好down,
諗好多，
唔想害左下一代。
感覺香港只會愈來愈差、走下坡 
1個讚
我啱啱陀緊，6個月
一直同阿女講，要學識明辨事非，第時學校唔教，阿爸阿媽教，出去唔俾講，返嚟屋企講，都一定要教識你做個有良知嘅人
共黨就係想「滅族」同「清洗」，睇新疆就知
難得兩夫婦都黃就唔怕生
我識得有黃媽媽老公係藍，成家都係藍
想教都難
但佢都好努力用啲盡量中立嘅例子教佢啲仔女要諗嘢
好佩服佢
9個讚
同你講嘅一樣
咁嘅環境如果要生，一定要幫佢地諗好將來。佢出世後頭25年都唔會有能力走，唯有靠父母。
如果我比唔到佢相應嘅教育（即係要有錢俾佢讀某啲學校/去留學），我會拒絕生bb。
同咗老公講讀國際小學一年15-20萬仲有好多雜費未計（隔離po講），佢未認真答我。但我地仲有時間諗，同埋都起碼2-3年先生。
1個讚
本身諗住生多個
而家算啦
好憂慮，生佢又覺得好內疚
唔生嘅話…又會諗起手足果一句：如果個個都唔生，香港就會無晒香港人
3個讚
我都係，生1個算啦…我有朋友本身計劃會生1個，到上年香港狂放TG ，佢只係返工都中左幾次，而家佢唔想生b啦
我老公好想生，佢覺得唔應該因為政治影響到，但…其實政治就影響緊好多野…佢好似都唔明白…唉
希望儲幾年錢就離開香港，倒退得咁快，唔移民唔得
夢想與現實嘅分別
係…理想地緊係唔應該俾政治影響家庭計劃。但而家見到啲年輕人咁慘…出街都俾green objects 針對，香港就黎仲差過大陸(民主自由就黎同大陸一樣，但仲有班腥港人揾著數），政府又顏色行先，是非不分，我都唔知點樣可以令小朋友開心成長同埋令佢有美好將來…好灰…
1個讚
我教我小朋友就口講一套真善美，心諗嘅就另一套現實社會嘅殘酷
2個讚
我都係，好怕到咗生唔到時會後悔，但依家又真係過唔到自己…
我明白，愈多土生土長嘅唔生，就得返新香港人，洗血就成功，呢個都係中共嘅目的。但面對現實，冇人想用自己下一代嘅幸福嚟鬥氣。
同埋感覺依家生個小朋友出嚟，要諗嘅嘢、要準備嘅嘢多好多，銀彈上要更加充裕（以前可能諗讀local school都ok，依家對香港教育徹底失望）所以真係好大壓力。
3個讚
我其實都仲有幾年時間
但都唔想距離高齡產婦太忟先生，諗定差唔多
我都係，人生的計劃，家庭的計劃，唔通就要咁樣俾佢摧毀咗？？？真心鍾意小朋友又好期待做媽媽嘅，一諗到就好灰。
冇後路就唔好生，有後路先好考慮。
另外，生左小朋友，你會發現原來國際學校唔係你想象中嘅後路。以前未生一定係咁諗，生左玩左個遊戲就會發現，國際學校d大陸人多過本地，香港人？少數族裔咋仲有好多大陸學生欺凌事件。你小朋友將會學簡體字唔係繁體字，國際學校嘅學生係冇對大陸中共反感，分分鍾認識少過本地，而且好多國際學校奶共因為大陸人係佢地金主。唯一好處就係冇咁大壓力，教學內容亦客觀，但你同時要接受以上嘅壞處。所以唔好FF, 經過一輪爭扎我而家決定唔會係香港讀國際學校，要讀直接去外國，所以冇可能去外國真係唔想生。
12個讚