頭先同我99一齊睇新聞，睇到監警會出嘅報告。佢都用藍絲一貫口吻話:有咩好反呀，冇咗條命嘅話幾唔抵。我聽到就話:唔試過點知唔得，歷代皇朝都係咁推翻㗎啦。
佢就例牌藍絲個D啦，遲早中央直接一國一制，林鄭都好難做㗎，邊個做都一樣，到時中央派坦克車嚟等等。
其實我只不過係上年6月先攞到身分證嘅新移民，但都以我所知嘅同佢一一講，林鄭難做佢可以選擇落台，雖然邊個做可能都差唔多，但如果係自己選出嚟嘅，咁做得唔好我哋都冇嘢講。心甘命抵。中央話明一國兩制，港人治港，但而家先23年就明裏暗裏不斷干涉。民怨四起，而且好多政策都有唔啱，放寬自由行，導致水貨客泛濫。仲有單程證，雖然我都係經單程證落嚟，但香港本身冇核實權，以我所知真係有假結婚，仲有一D一家幾代人落晒嚟，攞公屋攞福利。就我同學媽咪，60幾歲，完全冇係香港住，冇做嘢，係大陸有樓有車，但一有錢派即刻返嚟申請。冇交過稅但就福利攞盡。當年雙非孕婦都係搞到民怨四起。新移民一家幾口申請公屋，平均2至3年就有，年輕人咧？就我姑仔已經係個人版，佢單身，09年申請到而家，完全冇聲氣。靠自己能力上樓根本冇可能。咁既情況下，政府冇問題？所有高官都唔需要負責？
然後佢俾我講到冇聲出。雖然下次佢都一樣會鬧D手足傻
，但起碼我講咗舒服晒。
想問有冇新移民係黃絲，我入嘅新移民群組，都係藍絲，有時會講幾句平反既嘢，都會被圍插。又有聽過勸喻唔好亂講嘢，會有人篤灰。會返唔到大陸，心裡面好掙扎。但成日都覺得好嬲，咁愛國，大陸咁好點解又要申請過嚟？
35個讚
有
有 x 2 仲要係黃到金…
其實99果d唔係藍絲，係放棄mode
好多人都係咁，例如: 老闆拖糧，就話有份工都好，明明老闆唔對，連去勞工署都覺得係攪事。返工出糧，應份架
1個讚
⋯⋯
1個讚
多謝你明白事理
有珍惜自己的腦袋好好咁使用佢
無只睇自己利益而犧牲其他人都覺得心安理得
6個讚
嗯，但由上年我一路聽到佢係咁話好似64咁出坦克車啦，我就好頂唔順囉。可能佢心裡面都係覺得政府有問題，但只係想做港豬囉。
1個讚
其實真係出坦克車先死心都未遲，衰d講，佢地幾十歲，又唔駛再返工，點都燒唔到佢果疊
難得你咁清醒
有
嫁左落黎,遊行仲積極過我
4個讚
一定有仲好多，你睇天水圍區選全黃，天瑞有位武漢女士都好出名。
9個讚
佢地嫁黎都係唔想留係大陸正常都應該黃，但有部份都好藍，應該都係7：3或6：4比
天琦…
2個讚
後生應該9成黃，聽D100黎明話多數初黎香港都成個小粉紅咁，大部份1至3年都會變。
肯定有，有啲比土生土長本地香港人更深黃
係,另一個嫁落黎
仲帶壞埋我朋友
明明我朋友係好人黎,
宜家藍到黑,呢單我真係好傷心呀
講真佢哋幾十歲同社會脱晒節，同駛同佢勞氣。
最緊要知道你有一大班伙伴
1個讚
有，但應該吾多掛
1個讚
我覺得反轉，佢想落香港只為易d揾錢脫貧