醫院比左個期我去做糖水測試
上網看過好多Post都話難飲
又話嘔
搞到真係心驚驚
請問有過來人嗎
我兩胎都有飲，真係好難飲
佢係超濃縮糖水黎，係會想嘔，一嘔就要約過再做，飲果日又唔算好多人嘔嘅
我喺健康院飲，一啲都唔難飲
仲覺得好好飲
只係一大杯加咗糖嘅水
不過我上網睇有人帶片檸檬加落去
話無咁難飲
2個讚
飲完有無反胃既感覺?
陀阿仔時飲左兩次
醫生要make sure我無患上妊娠糖尿 
我仲好記得個杯超甜糖水係無想像中咁難飲
之不過飲完後真係會有反胃想嘔感覺
我係上嗰月尾去飲 完全無反胃
一次過成杯飲哂
我見同日飲嘅孕婦都無咩反應，無人嘔
唔難飲，建議唔好加檸檬，檸檬入面都有果糖㗎，咁未糖份高左囉，如果可以，等果2粒鐘行下去下廁所唔好齋坐，我就係飲糖水之後高左好少好少，要見營養師同醫生，duk手指，買保險又問呢樣果樣，我自己覺得好煩，其實保持營養均衡，飯後行下，我duk手指我都算正常
我個時因為武肺初期，無去公立醫院到飲糖水，自己book私家飲，之後交返報告比公立。
唔知係唔係因為私家，我又唔覺得杯糖水難飲
我見好多人都會帶片檸檬，甚至有醫院已經加少少濃縮檸檬汁。當中其實冇幾多額外果糖，唔會點樣影響結果，反而你飲到嘔，要擇日再戰仲唔抵啦！
如果鐘意食甜野
杯糖水唔難飲
係甜左少少啫
我孕初期易反胃嘅
但我自己冇因為飲糖水而反胃
總之慢慢飲
唔太急
應該冇問題
唔知點解，我居然冇做過
下個禮拜做呀⋯⋯
可以要求加檸檬嘅咩？
我幾年前係瑪麗飲係有加檸檬嘅，其他醫院就唔知
我上個月岩岩飲完第一次
去前都有朋友提我千祈唔好嘔
到飲個日都唔覺好難飲
只係一杯好甜好甜既水
不過個日飲完之後冇乜胃口食嘢
下個月又要返去飲多次
我第一胎唔駛飲，第二胎要。
冇想像中咁難飲，但好甜。
仲要空肚去，又要等，悶到呆左。
點都唔會係好飲架喇～ 不過又唔洗太驚既，一陣嘔番出黎又要到飲過仲衰
加油
唔係人哋講到咁難飲囉，係甜左啲不過其實你可以飲啲水中和下，佢只係要你響某段時間飲晒。飲完記住行下會幫手消耗咁啲醣～我一向好晏起身，果時太早飲飲完坐低訓到夠鐘無郁過就輕微超標
攪到要買機每隔幾日三餐篤次手指，個個月要覆診…我平時篤係無一次超標囉，仲有啲低添⋯⋯不過為咗個B健康就乖乖地
我自己有帶檸檬去 加咗幾滴檸檬汁 覺得幾好飮 
我起廣華醫院有飲 我覺得唔係好難飲
我果日去成間房起碼有20個媽媽 大多數媽媽都係3分鐘飲曬 因為都幾大杯 不過真係想像咁難飲