讀繪本比BB時點做好

BB就快六個月,讀書時成日想自己攞書放入口,咁樣我就冇辦法繼續翻頁讀下去。想請問由佢玩,定我堅持攞住書同佢翻頁讀?

6個月唔專心聽都好正常吧
其實講故事都係為左用語言/圖像刺激BB
可以順應佢咬書(安全衛生ge情況下),開展新劇情 ,say 書裡面隻企鵝比你咬親etc
or 真係唔想佢咬,可能要用其他道具?
利申:未生但babysit過幾個BB

用布書,繼續形容下佢做緊/咬緊d乜

6個月用布BB書,
揭比佢睇,
由佢摸同咬。

一定要由佢呀
連巧虎都教用家
如果咁細個小朋友坐唔定
係好正常
舉例1歲小朋友專注力約得1分鐘
6個月可能得30秒XDD
由佢摸,探索就可以

可以用硬皮的玩具書,有聲書,質感書,有機關的書吸引bb。以前我由我小朋友咬,因為呢個時期係口腔期,佢係用口去探索世界, 清潔左就OK。

一歲之前,BB知道咩係「書」,拎上手會望下,手指仔識揭下,其實已經達標。
最緊要係唔好令佢討厭書,要將書同開心嘅記憶連結(例如睇書時會聽到媽媽溫柔嘅聲音、聞到媽媽嘅氣味,感受到媽媽嘅擁抱),只要鍾意「睇書」呢個活動,到大少少自然會去探索書嘅內容。

更何況,一本圖書唔止一個睇法,冇需要限制小朋友由第一頁開始,順序睇到最後一頁,倒轉睇、跳頁睇都唔係錯,留返啲想像嘅空間俾佢地更好。

建議用布書,沖涼時也可以「玩。閱讀」,相反不太建議任佢咬真書,即使是新書或經消毒。

當玩具咁,成本揸住咁咬