一齊生活，就算幾好嘅夫妻都總會有唔開心、有矛盾嘅時侯〜
同老公結婚之後其實好少嘈交
如果唔開心兩個人就會唔出聲、冷戰，離開大家嘅視線範圍
（一個係房一個係書房咁）
同老公係同事關係，所以呢排大家都home office
前兩日老公要返公司開會而我唔洗
自己忽然心血來潮想揾返老公之前係英國買嚟送俾我嘅眼影
記得老公話放左係書房 而且佢開會就廢時wts佢 就去左書房揾
點知發現左老公準備左打算過兩日送俾我嘅生日禮物
最尾我都揾唔到盒眼影 唯有問下老公
老公就叫我唔好揾 我知佢驚我揾到份禮物 我無同佢講我已經見到
只係話我揾左下但揾唔到盒眼影
到夜晚 都係忍唔住同老公講我發現左份禮物
但其實我唔care 因為份禮物係有包裝 睇唔到入面係咩
而且我都大概知佢會送咩〜
點知佢震怒 話我成日趁佢唔係嘅時侯揾各種嘅嘢 仲話我不可理喻
講真 我果下真係好hurt 由細到大我都無試過咁樣俾人話過
同埋其實人越大 對於過生日 反而有種恐懼～
然後佢就去左書房飲酒同畫畫 我係房到
佢凌晨3點先入返房 然後我醒左 之後我出左廳訓
我覺得兩個人咁面阻阻都唔會訓得好
雖然我係廳到都完全瞓唔到 成個腦都諗住呢件事～
去到6點幾佢先出廳叫我返去瞓 我都有返 但啖氣其實未落
第二日我要返公司 朝早起身佢有tum返
因為平時佢都會煮早餐俾我食完返工
但我好唔開心所以連早餐都無食
為咗tum返我 佢好反常地一早反嚟公司 但其實原本佢唔洗返
佢仲叫朋友約我今晚去食雞煲 但我推左
一嚟尋晚唔夠訓 二嚟公司好忙做左成日 真心攰
之後我好認真咁係wts同佢講反件事 佢都有解釋返佢點解會發脾氣
話佢自己語氣重左過份左 係咁say sorry 問可唔可以原諒佢啊好返啊
去到夜晚先下返啖氣〜同佢真正「和好」
生活可能就係咁 just like the weather
有好天 但總會風雨嘅時侯 最重要係可以雨過天晴〜
1個讚
都好sweet 呀！ 有禮物
做錯左又會識say sorry 氹番你，咁就唔好就激氣啦！
btw 我已經唔記得我地有幾耐無嘈過，平時可能只係一啲好小既事鬥咀一兩句，轉頭就會無野。但真係嘈得好大鑊嘅話，我只記得幾年前既事
2個讚
哈哈〜所以最尾都放低左：D 和好返haha！
無嘈交真係好好啊 其實好難得 兩夫妻都係要互相包容先可以長久〜
同99相處真係世紀難題啊！
不過真係唔好輕易講離婚 真係好傷感情咖〜
依家依個環境 真係好多人會諗移民〜
Btw移民真係要兩個人好好地商量
始終都係一件大事嚟〜
你老公好好呀
我老公中意廚房百潔布毛巾分唔同色
但我記極都記唔到
上次鬧交佢話又用錯啦我話佢麻q 煩
1個讚
Haha！！我明你啊〜我老公都係類似咁！
廚房會有各種嘅毛巾for抹唔同嘅嘢
我都淨係記住果條乜都可以抹嘅萬能布同抹乾碗嘅布就算〜
因為平時都係佢煮飯 廚房都係佢用多 所以都由佢自己搞〜
有排我超想放棄"佢"，但近幾個月係放棄咗同佢"嘈"
原因，來來去去都係錢，同埋話間屋亂
我會掉野，但佢從來唔俾掉，就算爛衫都唔掉得，無地方，就鬧人
1個讚
錢嘅問題係真係難搞嘅〜
不過屋企多嘢就肯定會容易亂
我老公都會偷偷地扔左啲好少用嘅嘢〜
Takki
15
樓主老公都好好啊！
我老公十世無買過禮物比我，連一粒珍寶珠都唔會主動買比我，每次吵架完佢都唔會主動say sorry。同佢一起差唔多19年，煮過唔超過10次飯比我。之前早餐時間，佢寧願入書房一邊吃一邊打機，也不會同小朋友一齊食。
近年工作關系，佢自己搬左出去住，因為工作有壓力，不能陪家人，及將壓力發洩在小朋友身上。佢選擇逃避，小朋友已幾個月無見過爸爸。我而家同d小朋友過住d偽單親嘅生活。
所以呢，樓主，其實我覺得你好幸福，希望你同你先生一直幸福落去。
3個讚
HIDE9
17
2個人一齊生活真係咁, 有時可以好SWEET有時小小事可以嘈一餐。不過樓主你老公真係好好呀, 會知錯認錯, 仲咁好會去哄返你, 比個LIKE佢!
1個讚
多謝你嘅祝福同讚佢啊〜佢聽到一定好開心haha
覺得你好堅強啊〜咁嘅環境要堅持住仲要撐起成頭家真係好唔容易啊！
一個人仲要照顧小朋友真係好難，你真係好叻啊，你要加油啊！！
希望你先生可以快啲返嚟你身邊，回歸家庭啊〜
多謝你啊hehe〜
生活總會有啲小風波 haha 咩都可以解決ge
最梗要係兩個人珍惜住大家，不離不棄〜
最梗要係記住啲sweet ge moment~
唔開心嘅解決左就要let go~
覺得咁樣先可以長久haha!
