BB出世已經8個月
孕期重左30幾磅, 生完少左15磅
到而家剩番o個10幾磅冇減到不特止, 仲愈黎愈肥…
唔係餵人奶, 已經食少左野…都減唔到
我知道運動好緊要, 但日日真係攰到淨係想訓覺
但又訓得少
想問下大家有咩方法減?
唔想變肥師奶…
留名，無瘦過
同埋好易腫
留毛先
肚腩patpat 不斷橫向生長
我都係，而家體重仲有越嚟越上升趨勢
1個讚
湊小朋友好攰 難免會日日想訓
最基本 暫時我做到係食完飯 唔好坐 起碼企半小時
食完飯去行下又好，去洗碗又好，企係度睇電視都得，企係度玩電話。
咁起碼個patpat唔會咁易肥先。
生完成年仲帶住多左既10磅肉…><
越黎越重
我跟營養師減過，係減到，仲減左好多。
唔使跟餐單，但每餐要跟菜，肉，飯的份量，keep到成年幾無重返
但過左新年同留家食多左，依家肥返
無錯，太攰我又想食薯片嗰啲垃圾食物
生完成個人橫左勁多，尤其pat pat
講真
戒甜，三餐正常食都可以輕鬆減10磅
請問睇營養素貴唔貴？大約幾多錢一個月呀？會每星期都給新的餐單你嗎？謝謝回覆
我全人奶，早餐同午餐都食得多，晚餐食餸多少飯，無做運動，仲成日食零食，竟然仲瘦過大肚前。
我覺得晚餐少飯都有D幫助
1個讚
應該因為餵人奶會消耗好多
睇左六個月，每月二千幾，頭三個月係減磅，每星期上去一次，睇返食得岩唔岩，我返工全面係出街食，教我揀食物食，之後三個月係keep，keep就一個月上去一次，睇下有無持之以恒保持到。我最後減左廿幾磅，去返11x磅，我係高。
佢唔係俾餐單，而係計算你當時重量同身高，話俾你知你每餐可進食幾多肉，蔬菜同飯份量先可以達到減肥效果，但我當時係食得飽，飯仲食多過之前，但我老公都覺得神奇，我食咁多都減到，原來根據我比例每餐要食大半碗飯，菜2碗，肉半塊，食完飽到不得了。
但我係食肉獸，當食返多肉就肥返了。
有呀，紮完係收番腹直肌
但個肚腩仲喺度，仲愈嚟愈大
完全冇用
我頭一個月餵人奶
感覺冇咩分別⋯冇瘦過
我唔係肥底，以前都係100磅左右
我試下先！！
希望真係有用
我平時都唔太好甜野⋯飲好多水/茶
覺得生完真係難減過以前
水果都好多糖
我都係，產後9個月，個躉好似D外國大媽一樣，屋企細又多雜物，經常行過都會撞跌嘢。
我孕期重左20磅左右，坐完月已經減返晒20磅，仲輕過懷孕前。但係自從疫情開始出唔到街，日日食外賣真係肥咗好多，而家都唔敢上磅，懷疑已經肥過啱啱生完果時