陀b 之後成日好想食辣， 食辣對bb 有冇影響？
唔食辣冇乜胃口，食少少就胃脹。
之前好耐先食一次譚仔，仲鬧老公叫佢唔好食咁多，好多味精。而家就心思思一個星期想食一次，仲食辣左，以前三小辣，而家要小辣先得。。。 
陀B既時候, 我都好想食辣, 食完好似會有胃口D, 我未有之前係完全唔食辣嫁.
但唔知係唔係我身體唔適應, 陀B初期, 一食辣就流啡, 之後就忍口唔食了.
我一直都係無辣不歡 無介過口
當年都有食少少, 譚仔10小辣, 咁有少少味係開胃D既
大住個肚已經好辛苦, 點都要食少少鐘意既野
我好鍾意食辣，產檢時我老公問醫生食辣會唔會有問題，醫生答如果食開唔會敏感肚痾或其他唔舒服就可以照食，只要留意會唔會多油同埋肥咗，咁當然要乾淨同熟啦
BB脾氣我覺得父母遺傳同管教方法問題，同大肚時食過咩冇關
1個讚
你一停食辣有冇停左冇流啡！？
真係辛苦，食少少野就肚脹。
食完野就好眼訓。。。
好開心聽到你咁講！可以照食。。。其實我都冇乜戒口，連雪糕都忍唔住食。 人地話生嘅沙律菜唔好食，話驚有菌，我都照食。。。
我有左之後食左兩次辣, 剛好兩次食完之後第二日都流啡.
但之後都冇野, BB到宜家出世都健健康康.
我估個個人體質唔同…
而我平日又唔太食辣姐…
我陀果陣成日食，阿女性格又無咩，係阿媽自己係咁爆瘡囉
高危有李斯特菌嘅就唔好食，touchwood中咗好大件事，我本身勁鍾意食生冷嘢但大肚時都因為咁戒咗，唯有成日捉我老公食水煮魚果啲平衡番
問左陪月, 話如果想媽咪同BB都皮膚好, 就戒辣(除左辣, 其他野佢都無叫我戒)。 為左BB, 就算好想食辣都忍口戒緊 
我陀時成日食辣，因為我真係無辣不歡，以前食大辣，有左食中辣，touchwood bb生出黎皮膚好好，濕疹都無，所以我覺得唔關事
應該唔會呀，我兩胎都有食，一個火爆一個唔火爆 
食完冇唔舒服就食, 我陀仔時一日三餐都想食牛, 結果生咗個金牛座暖男。 
最緊要唔好食咁油
新鮮辣椒我就成日食