作為新手媽媽乜都唔知問下各位，我去睇私家佢地叫我打百日咳疫苗，係咪必要打架？
因為近年多左初生百日咳，初生嬰兒三個月前唔可以打百日咳疫苗，所以想初生兒有抗體就要孕媽媽打，媽媽抗體就可以傳俾bb 至到三個佢自己可以打疫苗
我老婆之前都打左$500-$1xxx ，公立醫院好似未有強制打，聽醫生講過多一兩年政府先會有免費打
1個讚
我30周都打左，又係私家醫生建議，佢話近年唔知係咪多左新移民同埋開始有班鼓吹唔接種任何疫苗既媽媽，令到百日咳出現番，又話如果初生嬰兒染上百日咳係可以咳到腦出血，嚇到我梗係話打啦。
結果打完手臂痛左半個月，真係幾痛下，訓都訓唔好，打側訓只可以訓另一邊
不過都係求個安心，聽好多同期生既朋友都有打
1個讚
我今日打咗，為咗bb所以就打咗，但打完手會痛同好攰
唔接種任何疫苗係咩概念
我30周左右打了
$700
是三合一疫苗 (百日咳, 破傷風, 白喉)
可以保障自己同時又保障BB
Antivax movement
美國帶起先，首先係有個而家已經係釘牌嘅醫生造假paper，話疫苗會導致自閉症，嚇死啲家長
即使後嚟畀人拆穿由頭到尾係造假，已經太遲，牛鬼蛇神衝晒出嚟話疫苗有風險，提倡唔打
美國基礎教育其實好差好差，好多家長冇基本科學知識架，聽啲乜春自然療法，信晒
幾年前麻診突然流行返，咪因為呢班垃圾
之前謝安琪段錄音流出畀人鬧都係因為呢樣野咋嘛
1個讚
自閉症、AD/HD唔係多數都係遺傳咩？（通常都係爸爸傳俾仔女），我聽過啲特殊教育講堂咁講，打疫苗後造成嘅自閉症應該係小朋友有藥物敏感，因為我認識有啲小朋友係呢個原因，仲要同時有其他症添…
有打，我記得上年政府已經叫d媽媽打，33週左右好打，預2星期過抗體比呀B，呢幾年百日咳數字上升得好勁，難得打咗過到抗體就好打，打完淨係隻手痺咗一星期
有打呀 28週打咗，上年衛生署開始建議孕婦打
1個讚
我生第二胎有打，因為婦科醫生建議
我本身都有少少藥物敏感
百日咳一定要打，可以google下百日咳嘅嚴重性。
以前聽兒科醫生講，近年多左bb有百日咳，因為多左好多人唔打疫苗（我身邊都有d崇尚自然療法唔幫bb打疫苗嘅人），呢個病又出現返，而初生bb無抗體就會容易感染。其實呢個病本來已經差唔多消失，疫苗嘅作用除左保護自己，亦都係保護其他人，假設100個人裡面有99個人有抗體，剩返果1個人都唔會受到感染，所以話疫苗唔好唔打針嘅人，真係好自私。
又唔需要太擔心嘅，敏感症呢樣野個個人都會唔同，有啲敏感症亦可能萬中無一，如果真係有疑問，可以先問問醫生意見
最好打
我喺澳洲呢邊係政府要求一定要打
香港呢方面真係做得好慢
對BB好既梗係打啦
打咗~
有打，健康院姑娘話遲d政府產檢都會包埋，但政府d嘢唔知遲到幾時先有啦
美國都要求打，我2017 年問醫生，佢話佢地讀英國制無話要打，好開心見到有媽媽講近兩年健康院有叫孕婦打，保障到bb。
其實呢個都係有需要打