其實由出世差唔多1個月， 我覺得佢日日都係猛長期，食完好快又再食，訓得又唔淋，好多人話2個月，3個月會好d，係咪真嫁，我就黎變人乾了，幾時先可以3個鐘一次，好想快d戒夜奶，但而家都睇唔到有希望
我好似日日都猛長，係去到4個幾5個月先好似好啲 
尤其一開始係on demand 餵，所以覺得冇間斷
4，5個月先好d咪有排，而家未到1個月已覺得度日如年咁，而家都係on demand，我見人地可以話滿左月可以set table，但唔明點set，如果佢要食又喊到拆天咁點算，同埋佢又訓得唔長，訓到1個鐘已叫好，清醒時間多數都係喊的
因為我想一嚟就比佢隔四個鐘頭食一次，所以先搞到4個幾月先冇on demand 
不過我係因為想追磅數所以唔太介意，我當時心態係恨不得佢食多啲。不過媽媽就真係會好困身囉
我覺得一開始好難feed on schedule，唯有拖下佢 （延遲滿足之類）
feed on schedule 大概做法係：
例如set咗4個鐘一次，如果12點食咗，但係佢2.30 又扭計，咁我會抱下佢，拖佢一陣，如果真係唔得，真係扭得好勁就比佢食。但係我會keep 住4點再餵，咁樣先keep 到個schedule。
每次餵到佢唔食嘅時候，我都會再比佢試下食唔食。肯定佢真係食飽，因為下一次要隔幾個鐘頭。
我比自己有buffer，例如如果佢3.30 扭計我都會當呢餐係4點食tea 嗰餐。
不過我都係新手咋，上網睇埋睇埋自己山寨咗呢個方法。
如果可以順利4個鐘餵一次真係開心，因為仲要湊大女，做家務煮飯，無schedule驚搞唔掂，佢扭果陣我都有抱佢，但佢好似知我有奶飲咁，就要扭食，定唔知係咪當我奶咀，其他人抱有時係可以訓返，等我試下你個方法先，希望可以成功，thx
好強！湊得掂家姐，妹妹應該冇問題 
人奶其實係feed on demand，即係佢想食就食
如果你發現佢成日好似唔夠飽咁，可以試吓約健康院人奶嗰個姑娘幫你望吓會唔會係口型唔啱，尤其如果你乳頭有痛有損
如果口型唔啱，會令bb食得少咗，但佢哋人仔細，食到咁上下雖然未太飽，但已經好攰，所以就收檔。然後好快又肚餓
我大女嗰時開始一餐食半個鐘至8個字，仲要成日食到我損。後來有次乳腺塞咗，搞極都搞唔掂，返咗健康院見姑娘。佢幫我教返啱阿女個口型，阿女食四個字即刻收檔。
不過都係嗰句，個個小朋友唔同，我細嗰個雖然我做啱哂所有嘢，都係食到令我懷疑人生。
加油呀，捱捱吓就到4個月，開始加糊仔就會舒服少少喇~
1個讚
參考
1個讚