如果搬,小三之前要決定啦~
1個讚
咁聯繫中學係咪都係果區先? 如果係都值得搬呀。
不過都要問埋小朋友意見, 我都同我女分析搬左可以近佢間小學同中學, 每日瞓多半個鐘, 但佢話唔駛, 寧願唔搬出去, 咁用家話OK我就一動不如一靜
1個讚
睇下爭幾遠啦, 比較下兩間學校嘅升中數據
30 mins
如果睇埋升中數據,近果間連中學都近我屋企,不過好似係band 2a 中學~
我朋友兩個女由k1到而家高小都係要誇區坐校車，佢哋都話坐一個鐘都慣咗。
真係坐足9年 
其實自己返學都係座足巴士/港鐵9年
咁睇牌面又無著數。
我自己就一定會睇升中保障，聯繫其實唔夠穩，要叩點解唔叩直屬/一條龍校
小朋友幼稚園由荃灣去九龍城返學，架車先由荃灣入麗城先再去九龍城，差不多成個鐘車程，佢哋又唔覺耐，可以同同學傾計，又或者訓下覺
40 分鐘車都 OK，以前自己都坐接近 1 小時（唔係真係跨咁遠，只係要兜埋隔離區）。識人都只係住學校隔離區，但因為大校巴多人，所以都係要 40 分鐘車程。
香港咁多小學中學，會考慮入讀嘅 Band 1A/B 聯繫（假設你係冇理解錯 e.g. 有人會以為沙崇小同沙崇中有聯繫/以為 St Louis 都係 Band 1），咁應該就係中西區/灣仔/九龍城兩馬/兩呂/兩仁/黃大仙三保？咁呢啲都值得去讀嘅，如果同佢啲大熱都係 3X% Band 1 嘅話。中學就再考直資/自行/跟屋企網升中。
咁就要睇埋你係邊區了。車程 40 分鐘就真係唔係咁遠。我覺得 7 點後上車就 OK。有啲真係早到暈，例如荃灣》德望要 6:40，TKO》英華要 6:30，咁早好攞命，要諗下值唔值得。咁早上車，即係最基本要預 40 分鐘起身食早餐出門，預 5-10 分鐘賴床/未訓醒，即係 6 點未夠你就要鏟佢起身。咁小朋友最起碼都要 9-10 小時睡眠先精神，咁即係 8-9 點上床，咁就諗下如果有測考，點樣安排溫書。只要安排到測考、功課、活動等問題，咁就可以去馬。
1個讚
40min 可以接受呀
有d同區都要30分鐘啦！
小女係6:25上車, 我就真係覺得太早…不過無法
6:25 
學校 7:30 打鐘？
如果係有 Band 1 中學部嘅，咁都忍埋佢，睇下讀中學嗰陣搬唔搬/搭的返學。
學校8點之後先打鐘, 早成半個鐘有多返到去咖, 我女咪話同同學喺操場玩/有時就睇下書咁囉~ (我女都慣左, 之前讀另一間都係6:30校車)
band1直升… 呈分係例行公事, 考第尾都仲得, 唔係都唔插呢間
中學反而可以自己坐車, 7點先出門都可以
7點要上校車啦…
跨區都7點非常可以接受喎
跨區 7 點 OK 喇，我嗰間搭地鐵 30 分鐘，坐校車 6:45 出門口行去車站，7:00 上校車，4:00-4:30 落車，17:00 前返到屋企，功課測考多到飛起都搞得掂。
你女女真係好懂事~
家人湊開, 如果搬就變成請姐姐湊, 所以佢咪唔想搬囉~
我都問咁早上校車你上堂會唔會好眼瞓? 佢話佢最多"忍瞓"喎!