小學生跨區返學,學校係好既津校(熱門學校),有校車,40分鐘車程接受到嗎?其實我覺得太耐,想去叩門其他近D既學校…
大人坐40分鐘車都好辛苦
誇區40分鐘都可以，我見朋友啲仔女，明明揸車返學都係15-20分鐘，校車要坐一個鐘零5-10分鐘。
要睇小朋友接唔接受到，有啲真係暈車浪
30mins
30min max
我女練緊唔暈,佢本身都易暈,搭得車多有改善~
其實我都覺得搭校車辛苦 
我地同區校車，係區內遊車河返到學校都要半個鐘有多，誇區40分鐘唔算遠。
因為我女係上公路之前既尾站,如果跨區仲要遊車河我一定唔讀
睇下女易唔易暈車， 之前佢30分鐘車程同同學傾下偈都幾開心㗎 
試下叩門, 如果可以近D就近D
40分鐘係來回定單程? 搭完車我估小朋友唔嘔都應該無乜心機上堂.
如果中學坐40分鐘都仲有得唸, 小學我都係會選屋企附近, 就算搭車車程20分鐘內單程.
半個中…
我小朋友讀K,都坐緊近一個鐘校車, 初初都好驚會唔會太耐, 但其實佢地同同學傾下玩下都好開心, 亦唔覺時間長, 放學時間攰亦可訓下.
但你小朋友小學…要早40 MINS 出門口, 時間上可以真係太早, 或者真係要諗下其他返學嘅方法
單程40 mins 呀…
我會比小朋友讀
其實校車上都會有朋友仔玩
好開心㗎
對我嚟講，30分鐘內可以接受，40分鐘，睇吓你有幾鍾意間學校，我朋友用差唔多一個鐘一程，小朋友攰嫁！好在佢小朋友做功課溫書都有效率。
我覺得唔係車程本身令人難以接受，係D車線令佢要兜好耐先難接受。。。
我小朋友幼稚園嗰時跨區(由新界去九龍)。如果搭校車，要6:30上車，因為要兜埋同區其他同學，我哋係頭站。但如果我自己送，我可以7:25先上巴士。
因為咁樣，而且校車費好貴，所以我揀自己送。。。
我都有間近既想叩門,但老公同朋友都覺得有熱門津校都唔讀?
校車同我自己搭車時間差唔多,因我要轉車+行段路先到學校!