6299對你地有咩要求? 煮飯邊個煮? 又或者家務點樣分工?
結婚前堅持唔一齊住
去到佢哋屋企會幫下手開飯收枱呢啲
好耐冇幫手洗碗
暫時因為我主力湊仔，未使做咩家務，佢反而幫我b沖涼(之後會自己沖翻)，不過我之後等bb食輔食就幫手搞下屋企衛生抹嘢拖地洗碗咁
分工合作, 無話邊個服侍邊個, 如果可以, 我都希望自己可以做曬啲嘢, 當運動
好多時係湊B同做家務二揀一
1個讚
我老爺奶奶真係比較特別〜
佢地基本上成日都唔係屋企，都會係公司，夜晚先返嚟〜
對我同老公係完全放任，基本上都唔會干涉我地嘅生活haha
所以同佢地關係都okay啦〜
1個讚
無喎, 因為我99佢好中意乾淨同埋好心急
通常一食完飯佢即收野然後入去洗碗, 話過我洗佢都要搶返黎洗
平時都會抹屋拖地 (係我同老公返工嗰個時間)
所以我無特別做咩家務
我只會得閒見到地下dirty自己吸下塵
咁我自己啲衫都自己洗返摺返, 房既野都自己執返
所以無咩問題~~
你就好。我個pair一返黎，特別係99，俾好多說話我地聽。所以關係麻麻。
6299好好人, 大家自動分工, 大家幫下大家手咁, 冇話分邊個要做邊樣嘢
我都係自己洗自己衫, 佢地洗佢地衫 
老公阿媽expect我：喺冇工人嘅情況下服侍兩老；照顧老公，小朋友；做哂所有家務⋯⋯
現實係我做唔到佢要求，所以所有家務，洗衫等全部分開各有各做，買餸煮飯食飯都分開，連雪櫃都分開一家一半。佢哋有時會煮埋老公飯但我就唔可以食佢哋啲嘢。請唔好誤會，我唔係老馮要佢哋煮埋我飯的，只不過當年老公覺得我煮啲嘢食未必啱佢阿媽跟住佢就彈三彈四，一家人分開煮又怪，所以先叫佢煮埋我飯。之不過人哋從來唔當我係一家人所以唔係咁諗，因為呢個問題吵咗幾次先造成今日咁
湊仔就主力係我同老公湊，62都會幫手睇吓個大嘅
由於要勞動到我老公同62去幫我做咁多嘢，同老公阿媽expect嘅好大出入，所佢憎到我死
我依家情況同你好類似
99要求新抱好似一個大管家咁顧老顧幼，打理成頭家。我真心唔識/做唔掂。
食個方面我唔挑剔，雖然佢地煮得麻麻，有人煮埋就冇所謂。不過我老公對食好有要求，佢肯煮晒成家飯，99唔肯放手，搞到成日嘈，又係搞到各自煮，食飯時間大家爭廚房用。
哇〜俾説話聽真係好難頂 好容易會俾佢「辣著」〜
以前做新手新抱會好上心
依家識得選擇性失聰
老公忍唔到多數同2老開波
我地99同佳，我哋各有各煮，家務清潔我自己做返，盡量唔勞煩佢
同住要適應已經夠麻煩，最好唔好再惹我 