台灣IVF

有冇人諗住疫情之後去台灣做IVF? 我AMH有D低(得0.75), 仲未決定好揀邊間診所/醫院

小心某間診所好邪門, 叫人食10幾種藥,淨係黃體酮都要打針+口服+塞陰。

泰國會好點吧?

我喺選擇診所嘅時候有去見過香港兩間私家醫院,同埋台灣一間中心。要考慮時間,金錢,同埋成功率嘅因素。

我同先生去咗台灣中心喺香港嘅辦事處傾,佢哋一路都喺WhatsApp上面同我聯絡員工亦很友善。我後來選擇喺香港私家醫院做IVF 而冇去台灣,有一點係佢哋建議抽一至兩次直至攞到20至30粒卵子,而香港醫生建議抽10至15粒。我感覺台灣嗰邊用藥可以話比較進取,香港比較保守,但係我偏向覺得安全至上,而且價錢其實唔係平好多,所以冇揀佢。
仲有個療程你係日日on call, 姑娘叫你幾時去醫院你就要幾點到醫院,所以係香港都方便啲。當你知道有乜嘢問題可以隨時見醫生,個心都踏實啲。

1個讚

想請問去辦事處傾, 佢地會唔會好hardsell? 我有fd去過宏X間辦事處, 佢話感覺麻麻, 我想問下送X鳥或者愛X

唔會呀,佢哋都係informative多啲
一來台灣未開關,二來你話諗諗先都好正常
都好正常
唔使覺得唔好意思,始終人夾人緣

我會覺得泰國好啲⋯⋯ :upside_down_face:

點解會考慮台灣嘅?平過喺香港做?

個人經驗
只計診金約港幣5萬有找
機票同住宿自己可以用下里數/分換
同埋飛台最多咪2k有找
我飛左大約5次
咁好多香港人都會放個星期5/1去玩幾日咁啦
所以機票住宿唔會太貴
我估點都平香港私家做啦
我好彩做一次成功
台灣嘅ivf技術比香港更專業
用藥比香港進取/精準
所以我去做ivf果間都好多香港人去做呀
我本身有排緊公立條不孕隊架
但真係等到生埋都未見醫生呀
用5萬買個希望好過咁慢慢排
我2年前登記排公立條隊架
原本今年9月先見醫生
我都等阿女滿埋月先打番去醫院取消9月個覆診
不過去做ivf前我都建議檢查晒有咩問題
調理好先做
易成功少少
我以前好天真咁以為ivf係想生小朋友嘅最後方法
一定會有咁
之後聽下身邊人講下,再上網睇先知原來有不少人都做左好幾次先成功呀
咁除左身心交瘁,仲要洗左一大舊(不好意思金牛座太睇重金錢)
真係準備一下身體先做呀

3個讚

我都係,以為IVF大家又有咁後生一定好易中,咁就>10萬蚊港幣⋯⋯ :cry:

Btw 可唔可以私訊我台灣邊間? :blush:我之前係去泰國做,生完呢胎想追仔!

因為疫情冇得去, 所以都係香港試下先唔好嘥時間, 之後如果台灣開關而我又仲未成功嘅話, 都想去台灣做

請問係台灣邊間呀?愛x or 送x鳥?我都揀緊
Thanks​:pray:t2:

我直接搵王家瑋醫師咋

台灣好似冇揀性別 :thinking:

係,最近嘅地方得泰國有得揀。不過⋯⋯湊一個都虛脫,唔諗第二個住啦哈哈!

而家咁情況真係都有排先飛到, 我同事最近都決定左係香港雪就算,香港都有好多出名既醫生做到,佢就唔想再拖…寧願呢家努力左先

喺台灣宏x 做咗三次 失敗咗三次 (very bad experience)
上年喺香港試QM 一次成功

之前都有考慮過宏x,但唔覺意摷到佢d新聞就驚咗唔敢去…

我都有聽聞過嗰單新聞, 好變態 :disappointed: