一招教你點用藍絲既錢去支持黃絲既店 餐廳篇
好簡單 真係好簡單
以餐廳為例 你搶住去book枱已經攪掂
如果藍絲家人/親友問點解食呢間？(黃店)
好食就話好食
唔夠好食就話抵食
唔好食又唔抵食就話乾淨
但平時食開呢間喎？(藍店)
好食話唔抵食
好食又抵食話唔乾淨
我個間好食a/o抵食a/o乾淨 <—自己執生
入到去黃店好易有文宣有榮光播又嗌口號
個時就出大絕
「好心食飯就唔好講政治啦」
下次再book過第二間 無限loop
藍絲個腦記唔到咁多野架
其他店舖都係靠大家要搶左個控制權先
化妝品 電器 日常用品 食材 咩都要控制哂佢
用藍絲既錢去支持黃絲既店 我想問點輸？
我用過，話新年唔食酒家仔… 話出左bonus 食其他 
母親節買餸，我爭住去黃店買海鮮買外賣
其實拎到主導權已經贏
唔止要支持黃店，仲要識食識買。如果推薦到抵食抵買嘅店，佢地唔會抗拒
我同阿妹係主導家族飯宴既人，我地從來唔會BOOK藍店。
有次阿媽話得閒佢搞，book左富X，我地照去，雖然席間踩到一文不值，但為左保存阿媽面子同令佢易接受d，我話「以前唔係咁」、「以前好好食格」、「嘩以前好抵架，依家咁貴架」…最後阿媽都忍唔住話「出左名D野就差晒，下次唔食佢」。
哈哈，一唱一和，高招!
好叻女
好鬼正呀！！
岩用！！
我覺得對住屋企d深藍，重點係唔好比佢分到邊間係藍邊間係黃，自己都唔好講，咁佢先有機會幫襯到黃店。
當發現佢幫襯左黃店，就要對佢決定大加讚賞，讚果間店出色、價廉物美揀得好；相反，當佢幫襯左藍店，就要有技巧地踩到一文不值，令佢信心動搖，以後羞於幫襯。
由佢把口讚黃店，再傳返去佢個藍色圈子度，殺傷力比我地講十萬次更大。
絕喎，我介紹比身邊啲黃友先，我好彩老人家冇藍，食乜我哋話事
要share比多啲朋友
哈，真係要參考下
如果可以嘅話，就主動去book 去搵，就算佢哋想食咩都好，相信都有黃店。
好提議!
有時買外賣，咁就見唔到文宣，佢地食左黃店都唔知。
如果要堂食，我會選間無文宣既，等佢地將來自己都可能去食。