對住反叛期的仔女佢要人同佢傾計， 話人唔睬佢。 老實我青春期時都有好多不滿， 無同屋企人有沖突但唔會好主動去傾心事，我覺得好正常，呢個階段只是家長陪伴在側就得。
但佢要啲細路比佢攬同佢傾計， 我會覺得會唔會太貪心； 我一直都同佢講要用較低自己level先可以同佢哋溝通到， 而唔係要佢哋用你嘅程度去同佢哋溝通。
佢好唔開心咁同啲細路講佢哋唔睬佢， 我覺得佢咁樣會搞到啲仔女更唔想同佢溝通。 連身為另一半嘅我都覺得好大壓力！ 真係唔知點處理佢同細路嘅關係！
1個讚
其實有時候就算會傾心事男人都唔會畀到啲咩你阿女期待嘅反應
佢成日都用一個好理智好認真嘅mode講嘢， 有時阿女傾下呢個同學點點點嗰個同學點點點，兩個女人傾下啲八婆嘢， 佢會插把口入嚟咁你應該咁樣咁樣咁樣唔好理佢點點點先至可以…… 搞到我哋都唔知接乜嘢好， 但係又有啲玻璃心咁喺一份學校嘅家長與子女關係表嗰度，填同阿女嘅關係係普通 我都唔知點開解佢
我成日覺得日常溝通係媽咪做，到人生交叉點要明燈時，先係爸爸出場既時候XDDD
通常爸爸講野唔洗多，最緊要中架嘛XDD
不過老老實實，到個細路同爸爸講野，佢願意花幾多時間傾先XD
1個讚
你老公應該同左長輩既方式同個女溝通，而唔係用朋友方式傾計，小朋友大到某個年紀互相尊重包容先維系到彼此關系。
我啲細路係少嘢講嘅， 只係心情好嗰時先會分享下， 佢又覺得佢哋幼稚呀； 就算我同佢講嘢佢都唔認真聽架， 佢又想人哋點同佢溝通姐。 通常我哋食飯時睇吓新聞分享下咪好囉， 細路唔想講你迫唔到架。
就係喇， 啲細路係痴我嘅， 但係都唔會成日講心事架，我只會得閑問吓佢哋都唔一定會傾架。 但係有時大家講開嘢心情好咪會講囉！ 我唔認為有問題， 生活根本就係平淡， 唔會日日有事發生， 要佢哋肯傾係要你日常同佢哋打好關係先得㗎
1個讚
但佢自己唔認為， 仲話自己好開明呢！
佢公司係咪所有人都同佢好好傾
好多父親都會係咁 … 大至我爸爸，細至我老公
我爸爸都6十幾歲人，細時佢咪就係老一輩既mode去打鬧我地，到依家我地都幾十歲，習慣左咩都係同阿媽講 (其實都好少同阿媽講心事)，跟住早果排發生左D事，又係得我同我媽媽溝通，我爸爸就問 “點解D仔女淨係同你講野，唔同我講”
老公就… 呷醋
阿女3歲多，日日都會主動攬住我講"i love u" (因為我之前逼佢見到我就要講，久而久之成左習慣 
)，但阿女拒絕爸爸既攬攬，搞到佢無啦啦發左阿女脾氣 
梗係唔係啦， 問佢中學嗰陣係咪同父母好多嘢講佢都話唔係啦！ 而家做人老豆就要細路同佢傾偈
我成日覺得小朋友痴阿媽好正常， 係啲男人呷醋咋嘛！
我D仔女都好少同我老公傾計~已經廾歲有多，但老公話明，佢話係因為自己讀書唔多(中學畢業)，仔女講D野佢唔明所以少，佢地係有溝通但係仔女唔会主動同佢傾計。佢地兩個就自己講唔停。我放工佢地都會有講自己嘢我知，老公就話佢地要等我番屋企先講，我末番係唔會出聲。
我覺得係佢平時乜都唔理，其實唔明問吓佢地咪明囉，唔明就行咗去點同你傾。
其實係架， 有事你唔理， 小朋友自然有事唔同你講； 同小朋友溝通要投其所好， 見佢聽梗歌就問吓係邊個歌手？ 邊個韓星？ 睇梗咩劇？ 得閑搭下咀就知道佢哋鍾意啲咩， 咁先有計傾， 如果將自己位置放得太高佢哋就唔想同你講嘢架啦！
1個讚