見人話讀國際最緊要睇多啲書，咁國際學校都有唔睇書既細路㗎，佢地讀上去跟唔跟得上呢？成績又點呢？
1個讚
不論國際本地，都有超級書蟲亦有唔睇書嘅人，同考試無關。識讀國際同本地，兩個都唔多睇書，但好識做卷同上堂專心，係考到好成績出黎。但當然亦有考得差。
老實講，讀書考試同睇書冇必然關係。但比人睇多幾本書嘅，學識淵博啲，一路讀書亦有些許幫助，亦係對大腦嘅一種 “刺激”、“運動”。
例如寫議論文，睇得多新聞、歷史都可以幫助高分，但唔睇時事、歷史，一樣有人議論文高分。
3個讚
國際係咪中學會用教科書？
睇學校安排。
就算係本地，都唔一定間間用教科書。
對於睇書呢個問題，我剛剛同阿仔都有激烈討論。
佢認為睇書既目的係娛樂及增進課外知識，但呢個generation, 網上世界課知識更快更新，書本上好多information 已經outdated, 睇書係咪唯一增進課外知識方法? 最重要係Learn how to learn.
佢同我由古希臘討論到今日電訊科技，某程度上佢既論點亦有可取之處。
佢話睇書對於佢係娛樂之一，但唔係唯一娛樂
佢高小，暫時成績中等.
2個讚
如果行英國制(I/GCSE/ A-Level)會有，IB有機會係學校自己啲notes/書。本地同國際都應該多閱讀書籍，增強英語閱讀、寫作、單字能力。上網睇articles睇片係可以幫助，但睇classic英文書籍對於學生文學基礎都非常重要。如果小朋友鍾意用電子方法睇書，可以用香港圖書館e-book service或者買部kindle/kindle app。
只能夠話国際学校学生比例上較多喜歡看書,我覺得原因係
1.因為高中前佢哋較多空閒時間
2英文故事書內容較為生動有趣
3家庭鼓勵
當然我亦認識唔喜歡reading但成績又好的国際生
好認同，睇書同讀書成績真係冇必然關係。
1個讚
因為佢睇嘅書只係資訊性，真正嘅書係知識同智慧嘅累積，幾千年人類嘅智慧唔會過時
係佢視野狹窄，以為睇書同睇manual 一樣
你拋佢：Othello, 1984, The Handmaid’s Tale 呢啲會 outdated 咩？
但鍾意睇書嘅人一定熱愛思考同有耐性，唔會只追求官能刺激咁膚淺
1個讚
其實正確d講，係嚮香港既教育制度下，睇書同讀書成績係冇必然關係。
閱讀一定係好事，思維同視野都會寬d。
想用睇書嚟提高成績本身已經係本末倒置嘅諗法
我兩個仔，國際學校由幼稚園至高中畢業，同一間學校同一班老師教。大仔文科人，鍾意睇課外書(fiction, National Geographic, Newsweek…)；細仔理科人，只喜歡睇卡通書(Calvin and Hobbes, Dilbert, Simpson…)（好多人認為漫畫無益唔當係書）。小學至初中 大仔作文比細仔好，去到高中時細仔從後趕上。高中同一個英文老師，對大仔評語係用字準確，文筆細緻而又通順流暢； 而細仔寫嘢切入點深，唔寫無謂嘢，一擊就中重點。佢哋校內成績同大學公開試（SAT ）分數都差不多一樣。
兩個仔性格本身已經不同，再加睇嘅書籍種類不同，所以大仔跟人討論問題時會引用理據如歷史／文化之類，而細仔討論時會用幽默／反斗型式引用數據如實驗結果／統計數字。
兩個人共通點係上堂非常專心，有唔明即刻問老師，佢哋認為上堂唔專心而課後花更多時間去溫習補救 係好岸居，條數點計都蝕。
3個讚
睇書目的不只係娛樂及增進課外知識，唔係 outdated or updated，而係一種修養，唔係簡單嘅感官、資訊刺激。我依家都有 keep 住睇書，不論係 hard copy 定係網上，有時候睇到啲文筆順暢好靚、有畫面感，嗰刻係好開心。每個地區每個年代嘅作家都有自己的味道，同一個劇情唔同作家 focus 嘅野、用字都唔同。追曬成本書就有種失落嘅感覺，所以睇完會返睇，每次睇都有唔同嘅感覺，這就是書的樂趣。
簡單啲舉例，作者 A 係 20 年代人黑人，作者 B 係 20 年代有錢白人，兩個人去描寫一單歧視事件，大家切入點、文筆、感情唔同。文字漏露的細膩感情，網上資訊無法取代。
我認同書不是唯一娛樂，但書仍然存在就當然有佢價值。不過佢仲細，未能夠品嚐到書本的味道，大啲就會領悟到書的味道。
1個讚
睇書對我嚟講唔只係嗜好，係修為
不過後生時唔明，我自己都係呢十年先睇多啲書
認同。
好多書都會用漫畫形式，深入淺出講，好似燒杯君，幾間漫畫加少量文字去講科學嘢。
只要識揀，漫畫書都可以好益智。