可能我地個仔女果時淨係讀d洗腦教科書，2019年發生咗咩事，事情真相點佢地都唔知，都需要家長自己言傳身教。我自己從2019年6月跟到宜家，用手機影低咗好多運動相關的相，整緊一本“教仔書”。呢本書（筆記）完全手寫，包括呢幅場景幾時發生，爸爸當時咩心情，果時社會氣氛點，等等內容，亦是希望自己唔好忘記香港人的付出。我希望等仔大咗識字（宜家BB仔）果時，比佢睇下，爸爸當年行到邊，見到d咩事，好過空口白話，被共產黨歪曲歷史。希望各位家長可以作為參考，我相信每個家長都會有自己的“教仔書”。最後借用《和你飛》一句歌詞：舊記憶 歷史中 會有著證據
10個讚
好有心機呀
我岩岩見到777話搞通識
真係好擔心
我有買今次嘅記錄書
好滾動, 咁有心嘅父母, 子女一定開心成長, 明辨事非.
有留報紙俾仔女將來教孫
聽到Seven Paul話要整頓教育界, 話唔可以再係無掩雞籠, 好鬼嬲之餘仲好擔心 
點解我要自己整，因為驚個仔比洗腦，指住本榮光歲月話蘋果老作。咁不如爸爸自己寫低，你信老豆定信共產黨先 