今日係母親節嘅大日子，當然做大龍鳳都要返下去探阿媽
本身因為顏色問題，大家已經只限於whatsapp溝通，電話都廢事打，怕一時口快快講完又鬧交
今日就有藍媽、綠家姐、淺黃姐夫，同我兩公婆（都係深黃），同埋家姐啲女
事情發展就係其實大家喺屋企食飯好開心，都係圍繞住啲姨甥女黎講返學呀，喺屋企玩咩呀咁
仲食埋雪糕玩埋Board game
一切都好似好美好
即將要走之際，藍媽攞左大公publish嗰兩本書出嚟炫耀
係，佢係炫耀，得戚樣表示「我有買呀」
然後話「呢啲係歷史！」
對住我幾歲嘅姨甥女話大個左要講呢啲歷史俾你地聽⋯⋯
超癲⋯⋯
係我地聽到人都癲，兩個細路女hang左機唔識俾反應，綠家姐唔出聲，淺黃姐夫反白眼，我地兩個就話「我地都夠鐘走啦⋯⋯」
你媽有咩反應
我唸你最明白手足媽媽是藍 係幾痛苦既事
不能和媽媽同一理念 有家歸不得
今日係母親節 祝大家 健康 快樂
希望所有家人都和諧相處。
放下黃藍之分……
我都有個深藍家姐，上年10月至今，我冇同佢聯絡。
其實大家一直講好多話題都同政治無關
我地都話差唔多走囉，心諗，好來好去咪算囉
佢係要攞出嚟
結果搞到其他人都好似「突然」趕住走咁
何必呢？
好明白你心情，我都有個藍老豆，每次見面都抝一餐，我老公成日叫我忍佢，唔好頂撞佢，但有時真係好難忍
最變態係佢無端端喺大家即將走嘅時候，係要攞出嚟講⋯⋯
好似一個撩交打咁嘅樣
咁唔好怪屋企人點解大時大節先見一見，仲要趕住走
我阿媽深藍，佢一講我就會爆佢唔會客氣。我嘅原則係：一係大家都唔好提敏感話題，如果你提，我唔會啞忍任你講
Exactly! 但無架，佢都係會怪，不過理唔到佢咁多
無理由自虐狂成日返去俾機會佢同我開火架嘛⋯⋯
靜雞雞拎去化寶桶燒左佢，拍片俾佢睇
唔好咁喇。
點解一家人為佐個垃圾政府搞到不和
真係好無謂架！
唉…其實明知會嘈交，咪好來好去…點解都係要點火…我都好明白，因為父母同老爺奶奶都係深藍色至淺藍…我唔會特登講政治，但如果佢哋講我都係會燥到既刻趕住走
我呀媽每次黎我屋企都話要睇CCTVB，但我都會講我屋企唔睇架喎，佢就一臉怒氣，話我都痴痴地，我會話痴得過你!
俾我母親節都即刻趷返佢
俾我會話D咁的垃圾要來墊煲都嫌污穢，然後走人。
好多藍絲都係咁，當成班人有意識唔講政治，佢就會挑野黎講，好似特登咁，我覺得佢地好似心理變態架
佢係咪會著…為所欲為TEE的人???
“借我返屋企睇”…
之後唔還
加埋樓上講攞去燒 + 拍片